मुंबई | अमित येवले
२०१७ मध्ये मुंबईतील भीषण आगीच्या भक्ष्यस्थानी पडलेला आरके स्टुडिओ विक्रीस काढला असल्याची घोषणा ऋषी कपूर यांनी आज केली. आगीमुळे प्रचंड नुकसान झालेलं असतानासुद्धा कपुर कुटुंबीयांनी मागील वर्षभरात खुप सारा खर्च या वास्तुसाठी केला होता. सध्या खर्च अतिरिक्त होत असल्यानेच आम्ही हा स्टुडिओ विकत असल्याचं ऋषी कपूर यांनी सांगितलं. आम्हालाही काळजावर दगड ठेवून हा निर्णय घ्यावा लागत असल्याचेही ऋषी कपूर म्हणाले. १९४८ साली राज कपूर यांनी या स्टुडीओची स्थापना केली होती. अनेक चांगल्या चित्रपटांचं चित्रीकरण या स्टुडिओने अनुभवलं आहे. आता या स्टुडीओची पुढील वाटचाल कशी असेल हे पाहणं औत्सुक्याचे ठरेल.
