Royal Enfield Bullet 350 : आपल्या स्पोर्ट लूक आणि साठी आणि मजबूतीसाठी प्रसिद्ध असलेल्या Royal Enfield ने बुलेट 350 बटालियन ब्लॅक बाईक लाख केली आहे. या बाईकचा लूक आधीपेक्षा खूपच रेट्रो दिसत आहे. एकूण पाच काळ्या रंगांमध्ये हि दिमाखदार अशी बुलेट ग्राहकांना खरेदी करता येणार आहे. याव्यतिरिक्त, ही बाईक आता स्टँडर्ड ब्लॅक, स्टँडर्ड मरून, ब्लॅक गोल्ड, मिलिटरी ब्लॅक, मिलिटरी रेड आणि मिलिटरी सिल्व्हररेड आणि मिलिटरी सिल्व्हरब्लॅक या रंगांमध्ये उपलब्ध आहे. आज आपण या नव्या बुलेटचे खास फीचर्स आणि तिच्या किमतीबाबत सविस्तर जाणून घेणार आहोत.
Royal Enfield बुलेट 350 बटालियन ब्लॅक बाईकच्या सीट डिझाईनमध्ये आधीच्या बाइकपेक्षा मोठा बदल झालेला दिसतो. बुलेट 350 बटालियन ब्लॅकमध्ये सीटची कमी उंची आणि रायडरसाठी लंबर सपोर्ट आहे. त्यामुळे लांबचा प्रवास करतानाही रायडर्सना आरामदायी फील अनुभवता येईल. हे रेट्रो सीट डिझाइन 1989 मध्ये लॉन्च झालेल्या 500cc बुलेटमध्ये दिसले होते. नवीन बुलेट 350 बटालियन ब्लॅक मॉडेलसह आणखी एक अपडेट म्हणजे पॉलीगोनल टेल लॅम्प. (Royal Enfield Bullet 350)
गाडीच्या लूक आणि डिझाईनबाबत सांगायचं झाल्यास, रॉयल एनफील्ड बुलेट 350 बटालियन ब्लॅकला हेडलॅम्प युनिट, सस्पेंशन, टर्न सिग्नल आणि हँडलबारवर क्रोम ॲक्सेंट मिळतात. बुलेटचे रियर-व्ह्यू मिरर काळ्या रंगाचे आहेत, जे बटालियन ब्लॅक मॉडेलचे आणखी एक खास असं वैशिष्ट्य म्हणावे लागेल. गाडीच्या इंधन टाकीवर दोन्ही बाजूंना आणि वरच्या भागात सोनेरी पिनस्ट्रिपिंग देखील मिळते.
इंजिन- Royal Enfield Bullet 350
इंजिनबाबत बोलायचं झाल्यास, नवीन बटालियन ब्लॅक मॉडेलमध्ये आधीसारखंच 349cc, सिंगल सिलेंडर एअर-ऑइल कूल्ड इंजिन बसवण्यात आलं आहे. हे इंजिन 5-स्पीड कॉन्स्टंट मेश गिअरबॉक्सला जोडलेलं असून 20.2 bhp पॉवर आणि 27 Nm टॉर्क जनरेट करते. या बुलेट मध्ये सिंगल चॅनेल एबीएससह फ्रंट डिस्क आणि मागील ड्रम ब्रेक मिळतात. तसेच ABS सह ड्युअल डिस्क ब्रेक यामध्ये देण्यात आले आहेत.
किंमत किती?
Royal Enfield Bullet 350 च्या 5 कलर ऑप्शनची किंमत वेगवेगळी आहे. यातील मिलिटरी रेड आणि मिलिटरी ब्लॅकची किंमत 1,73,562 रुपये,बटालियन ब्लॅकची एक्स-शोरूम किंमत 1,74,875 रुपये, मिलिटरी सिल्व्हर रेड आणि मिलिटरी सिल्व्हर ब्लॅकची किंमत 1,79,000 रुपये , स्टँडर्ड – मरून आणि स्टँडर्ड – ब्लॅकची किंमत 1,97,436 रुपये आणि .ब्लॅक गोल्डची एक्स-शोरूम किंमत 2,15,801 रुपये आहे.