हॅलो महाराष्ट्र ऑनलाईन । प्रसिद्ध मोबाईल निर्माता कंपनी सॅमसंगने आपल्या Samsung Galaxy F15 5G चे एअरटेल एडिशन लॉन्च केले आहे. Airtel सोबतच्या पार्टनरशिपमधून कंपनीने हा मोबाईल लाँच केला आहे. एअरटेल- सॅमसंगच्या या सहयोगामुळे, ग्राहक Samsung Galaxy F15 5G स्वस्तात खरेदी करू शकतात. कंपनी मोबाईल खरेदीवर अतिरिक्त सूटही देत आहे.आज आपण सॅमसंगच्या या नव्या मोबाईलचे खास फीचर्स, स्पेसिफिकेशन आणि किंमत याबाबत सविस्तर माहिती जाणून घेणार आहोत.
फीचर्स काय मिळतात?
Samsung Galaxy F15 5G मध्ये 90Hz रिफ्रेश रेटसह 6.5-इंचाचा sAMOLED डिस्प्ले देण्यात आला आहे. कंपनीने यामध्ये MediaTek Dimensity 6100+ प्रोसेसर बसवला असून हा स्मार्टफोन Android 14 वर आधारित OneUI वर काम करतो. मोबाईल मध्ये 4GB RAM, 6GB RAM आणि 8GB RAM असे पर्याय देण्यात आले असून 128GB स्टोरेज मिळतेय. मोबाईलच्या कॅमेराबाबत सांगायचं झाल्यास, यात ट्रिपल रिअर कॅमेरा सेटअप मिळतोय. ज्यामध्ये 50MP चा मुख्य कॅमेरा, 5MP अल्ट्रा वाइड अँगल आणि 2MP डेप्थ सेन्सर कॅमेरा आहे. तर समोरील बाजूला सेल्फी आणि विडिओ कॉल साठी 13MP चा सेल्फी कॅमेरा दिला आहे. पॉवरसाठी मोबाईल मध्ये 6000mAh बॅटरी बसवण्यात आली असून ही बॅटरी 25W चार्जिंगला सपोर्ट करते. सुरक्षेसाठी फोनमध्ये साइड माउंटेड फिंगरप्रिंट सेन्सर देण्यात आला आहे. डिव्हाइस 3.5 मिमी ऑडिओ जॅक आणि सिंगल स्पीकरसह येतो
किंमत किती?
Samsung Galaxy F15 5G च्या 4GB RAM + 128GB स्टोरेज वेरिएंटची किंमत 12,999 रुपये आहे. 6GB रॅम + 128GB स्टोरेज व्हेरिएंटची किंमत 14,499 रुपये आहे तर 8GB RAM + 128GB स्टोरेज वेरिएंटची किंमत 15,999 रुपये आहे. या मोबाईल मध्ये 18 महिन्यांसाठी एअरटेल सिम मिळेल. यावर ग्राहकांना ७ टक्के अतिरिक्त सूट देण्यात आली आहे. फ्लिपकार्टवरून ग्राहक हा मोबाईल खरेदी करू शकता.