हॅलो महाराष्ट्र ऑनलाईन । महाविकास आघाडीतिला नेत्यांचा जो काही मेंदू आहे तो गुडघ्यात आहे. महाविकास आघाडीचे नेते फक्त मंदबुद्धी नाहीत तर त्यांचा मेंदू गुडघ्यात आहे, अशी घणाघाती टीका मनसेचे नेते संदीप देशपांडे यांनी केली आहे.
मनसेचे नेते संदीप देशपांडे यांनी आज माध्यमांशी संवाद साधला. यावेळी ते म्हणाले की, मनसे अध्यक्ष राज ठाकरे यांनी पिंपरी चिंचवड येथे मुलाखतीत म्हंटले आहे कि एक किंवा दोन उद्योग राज्याबाहेर गेले तर राज्याला फरक पडत नाही. फक्त गुजरातकडे का जातात हे योग्य नाही. त्यामुळे महाविकास आघाडीचे नेते काहीही बोलत आहेत. आघाडीचे नेते फक्त मंदबुद्धी नाहीत तर त्यांचा मेंदू गुडघ्यात आहे.
वास्तविक पाहता एखाद्या कामाची चौकशी का होऊ शकत नाही? तुम्ही भ्रष्टाचार केला नसेल तर घाबरता कशाला? पालिका आयुक्तांमध्ये एवढी हिंमत कशी येते? भ्रष्टाचार झाला असेल तरी कारवाई करू नका, असा कोणता कायदा आहे?, असा सवाल देशपांडे यांनी यावेळी केला.