सातारा प्रतिनिधी | शुभम बोडके
शाहुपूरी गुन्हे प्रकटीकरण शाखेने गोपनिय माहिती प्राप्त करुन त्याव्दारे दोन मोटार सायकल चोरांना ताब्यात घेवून त्यांचेकडुन हिरो प्लेजर व स्पलेंडर प्लस अशा एकुण 32,000/- रुपये किंमतीच्या 02 मोटार सायकली हस्तगत करुन शाहुपूरी व कराड शहर पोलीस ठाणेचे 02 मोटार सायकल चोरीचे गुन्हे उघडकीस आणले आहेत.
पोलिसांनी दिलेली माहिती अशी, दि. 07/02/2022 रोजी गुन्हे प्रकटीकरण शाखेचे पथक पोलीस ठाणे हद्दीत पेट्रोलींग करीत असताना सदर पथकास खास बातमीदाराने एका मुलाचे वर्णन सांगुन बातमी दिली की, सोमवार पेठ, सातारा येथे राहणाऱ्या त्या मुलाकडे लाल रंगाची चोरीची प्लेजर मोटार सायकल असुन तो वापरत आहे व तो आता सदरची मोटार सायकल घेवून समर्थ मंदिर परिसरात फिरत आहे. अशी बातमी मिळाल्याने गुन्हे प्रकटीकरण शाखेने समर्थ मंदिर परिसरात जावुन सापळा लावला. सायंकाळचे सुमारास मिळाले बातमी प्रमाणे वर्णनाचा मुलगा त्याचे ताब्यातील लाल रंगाची प्लेजर मोटार सायकल घेवून येताना दिसला. सदर इसमांचा संशय आल्याने व तो सोमवार पेठ बाजुकडे जावु लागल्याने त्याचा गुन्हे प्रकटीकरण शाखेने पाठलाग करुन त्यास पकडले तो वापरत असले मोटार सायकल बाबत विचारणा केली असता त्याने उडवा-उडवीची उत्तरे दिली. म्हणून त्यास पोलीस ठाणेस आणुन त्याचेकडे कौशल्यपुर्वक विचारपुस केली असता त्याने सदरची मोटार सायकल हि तो व त्याचा शनिवार पेठेतील साधिदार असे दोघांनी मिळुन सातारा शहरातील राधिका रोड परिसरातुन चोरुन आणल्याची कबुली दिली.
संशयित आरोपीच्या साथीदाराचा शोध घेत असताना, तो शनिवार पेठेत त्याचे घराचे परिसरात एका मोटार सायकलसह मिळुन आला. त्यास ताब्यात घेवून त्याचेकडे अधिक विचारपुस केली असता, त्याचेकडे असलेली हिरो होंडा स्प्लेंडर प्लस ही त्या दोघांनी कराड शहरातून चोरुन आणल्याची कबुली दिली. तसेच राधिका रोड येथील मोटार चोरीचे गुन्हयात देखील त्याचा सहभाग असल्याची त्याने कबुली दिली. दोन्ही आरोपींना शाहुपूरी पोलीस ठाणेचे मोटार सायकल चोरीचे गुन्हयात अटक करणेत आली असुन त्यांचेकडुन प्लेजर व स्पलेंडर प्लस अशा चोरीच्या दोन्ही मोटार सायकल जप्त करणेत आलेल्या आहेत. सदर गुन्हयाचा अधिक तपास महिला पोलीस नाईक सुवर्णा बोराटे ह्या करीत आहेत.
सदरची कारवाई पोलीस निरीक्षक विश्वजित घोडके, सहा. पोलीस निरीक्षक अभिजीत यादव , गुन्हे प्रकटीकरण शाखेचे पोलीस उपनिरीक्षक नानासाहेब कदम, पो.हेड.कॉ, हसन तडवी, लैलेश फडतरे, पो.ना. अमित माने, स्वप्निल कुंभार, ओंकार यादव, महिला पोलीस नाईक सुवर्णा बोराटे यांनी केली आहे.