परभणी जिल्ह्यासाठी जिल्हा वार्षिक योजनेच्या २६२ कोटी रुपयांच्या प्रारुप आराखड्यास औरंगाबाद येथे उपमुख्यमंत्री तथा वित्त व नियोजन मंत्री अजित पवार यांच्या अध्यक्षतेखाली व परभणी जिल्ह्याचे पालकमंत्री नवाब मलिक यांच्या उपस्थितीत झालेल्या बैठकीत मान्यता देण्यात आली.
राष्ट्रीय महामार्ग क्रमांक ६१ वर दुचाकीवरून गावाकडे परत येत असलेल्या दोघांचा अपघातामध्ये मृत्यू झाल्याची घटना घडली आहे. बीड जिल्हातील माजलगाव हद्दीत हा अपघात घडला. मृतांमध्ये पाथरी तालुक्यातील किन्होळा येथील ग्रामपंचायत सदस्यासह आणखी एका तरुणांचा समावेश आहे.
अहमदनगर जिल्हा हौशी कबड्डी संघटना आयोजित महाराष्ट्र राज्य अजिंक्यपद किशोर व किशोरी कबड्डी निवड चाचणी स्पर्धेत परभणीच्या दोन्ही गटातील संघानी उत्कृष्ठ कामगिरी करत यश संपादन केलं आहे. महाराष्ट्र राज्य कबड्डी असोसिएशन व अहमदनगर जिल्हा हौशी कबड्डी संघटना यांच्या वतीने दि. २३ ते २५ जानेवारी दरम्यान महाराष्ट्र राज्य अजिंक्यपद किशोर व किशोरी या दोन गटांसाठी कबड्डी निवड चाचणी स्पर्धा अहमदनगर येथे यशस्वी रित्या संपन्न झाल्या. यामध्ये परभणी जिल्हा किशोर गट ( मुले) व किशोरी गट ( मुली )कबड्डी संघाने चांगली कामगिरी करुन जिल्हाचा नावलौकिक केला.यावेळी मुलींच्या किशोरी गटाने उत्कृष्ट कामगिरी करत द्वितीय क्रमांक पटकावला तर किशोर गट मुलांनी अतिशय अटीतटीची झुंज देत तिसरा क्रमांक पटकावला.
सध्या वादाच्या भोवऱ्यात अडकलेल्या पाथरी येथील साईबाबा जन्मस्थानाचा शोध हा पाथरीकरांनी लावलेला नसून तो मुंबईच्या एका साईभक्ताने लावला असल्याबाबत सांगितल्यानंतर वाचकांना आश्चर्च वाटेल. विश्वास बाळासाहेब खेर असं या साईजन्मभूमीचा शोध लावणाऱ्या साईभक्ताचे नाव असून त्यांनी साईबाबा जन्मस्थानांविषयी आस्था ठेवत तब्बल पंचवीस वर्ष संदर्भ अभ्यास व संशोधन केलं. त्यानुसार जुन्याकाळीचे पार्थपुर म्हणजे वर्तमानातील आजचे पाथरी हेच साईबाबांचे जन्मस्थान असल्याची माहिती त्यांनी केलेल्या संशोधनातून समोर आली आहे.
राज्यातील ग्रामपंचायत कर्मचारी संघटना, आपल्या मागण्यांसाठी आता अधिक आक्रमक झाल्या असून, परभणी जिल्ह्यातील ग्रामपंचायत कर्मचारी संघटनेच्या वतीने आज जिल्हाधिकारी कार्यालयासमोर एक दिवसीय धरणे आंदोलनाला सुरुवात केली आहे. ग्रामपंचायत कर्मचाऱ्यांना, नगरपालिका आणि जिल्हा परिषद कर्मचाऱ्यांप्रमाणे वेतन श्रेणी देण्यात यावी, तसेच या कर्मचाऱ्यांना निवृत्तिवेतन लागू करावे.
भारतीय प्रजासत्ताक दिनाच्या निमित्ताने प्रतिवर्षाप्रमाणे जिल्ह्यातील विद्यालयांमध्ये क्रीडा सप्ताहाचे आयोजन करण्यात आले आहे. त्यामुळे सध्या प्रत्येक शाळेतील क्रीडा मैदान विद्यार्थी खेळाडूंच्या उपस्थितीने फुलून गेले आहेत. तर त्यांचा उत्साह वाढवण्यासाठी लहान-मोठ्या विद्यार्थ्यांनी प्रेक्षक म्हणुन उपस्थिती लावली जात आहे. प्रत्येक शाळेमध्ये थैलारेस, लिंबू-चमचा, दोरीवरच्या उड्या, लंगडी, धावणे, संगीत खुर्ची, असा नेहमीच्या मनोरंजन करणाऱ्या स्पर्धांचे आयोजन केल जात आहे.
पाथरी शहरात नियमीत गस्तीवर असणार्‍या स्थानिक पोलीसांनी आज पहाटे प्रतिबंधित गुटख्याने भरलेला एक ट्रक पकडला. या ट्रकची तपासणी केली असता यात तब्बल २२ लाख रुपयांचा प्रतिबंधीत गुटखा आढळून आला. या कारवाईनंतर राज्यात बंदी असलेला गुटखा परभणी जिल्ह्यामध्ये खुलेआम विक्रीसाठी घेऊन येणाऱ्या गुटखा माफियांचे धाबे आता दणाणले आहे.
परभणी जिल्हातील पांगरा येथील शासकीय निवासी शाळेमध्ये गुरुवारी रात्री ३५ विद्यार्थ्यांना अन्नातून विषबाधा झाल्याची घटना घडली असुन २६ विद्यार्थ्यांची प्रकृती गंभीर झाल्याने त्यांना पुढील उपचारासाठी नांदेड येथे शासकीय रुग्णालयात हलविण्यात आले आहे.
वर्ष २०१७ मध्ये झालेल्या ग्रामपंचायतच्या सार्वत्रिक निवडणुकीत निवडणूक आयोगाने ठरवून दिलेल्या नियमाप्रमाणे निवडणूक खर्च सादर न केल्या प्रकरणी मानवत तालुक्यातील कोल्हावाडी ग्रामपंचायतचे सरपंच यांच्यासह ५ ग्रामपंचायत सदस्य यांना औरंगाबादच्या विभागीय आयुक्तांनी अपात्र ठरवले आहे. मानवत तालुक्यातील कोल्हावाडी ग्रामपंचायतची सार्वत्रिक निवडणूक ऑक्टोबर २०१७ झाली होती. या निवडणुकीनंतर ग्रामपंचायतच्या सरपंच आणि इतर उमेवारांनी निवडणूक खर्च आयोगाने दिलेल्या निर्देशानुसार करण्यात आला नसल्याने कोल्हावाडीचे माजी सरपंच दिगंबर भिसे यांनी जिल्हाधिकारी यांच्याकडे तक्रार दाखल केली होती.
परभणी ते परळी रेल्वे प्रवासादरम्यान पोखर्णी स्थानकावर रेल्वे पटरीच्या दुरुस्तीचे काम करण्यात येत असल्याने आदिलाबाद-परळी आणि अकोला-परळी या दोन्ही पॅसेंजर गाड्या २२ मार्चपर्यंत बंद करण्यात आल्या आहेत. या दोन्ही गाड्या आता परभणीपर्यंत धावतील, अशी माहिती रेल्वे विभागाच्या वतीने देण्यात आली आहे.