राज्याचे जलसंपदा मंत्री गिरीश महाजन यांनी जामनेर मतदार संघात एकतर्फी विजयी आघाडी घेत ते विजयी झालेत. त्यामुळं जामनेरमध्ये कमळ फुललेलं पाहायला मिळतंय. मंत्री महाजन यांन राष्ट्रवादीचे संजय गरूड यांचा पराभव केलाय.
परळीतील धनंजय विरुद्ध पंकजा लढतीवर सर्व राज्याचे लक्ष लागलेले असताना धनंजय यांनी मतमोजणीत मोठी आघाडी घेत विजय मिळवला आहे. आघाडीतून धनंजय मुंडे विजयी झाल्याने राष्ट्रवादी समर्थक विजयाचा जल्लोष साजरा करत आहेत. धनंजय मुंडे यांनी सुरवातीपासूनच मतांची आघाडी घेत पंकजा मुंढेंना पिछाडीवर टाकले होते. त्यामुळे धनंजय मुंडे यांचा विजय निश्चित होता त्यामुळे कार्यकर्त्यांनी सुरवातीपासूनच विजय साजरा करण्यास सुरवात केली होती.
नंदुरबार प्रतिनिधी । विधानसभेचा पहिला निकाल जाहिर झाला आहे. नंदुरबारहून भाजपचे उमेदवार विजय कुमार गावित विजय झालेत. तब्बल ९४००० मतांची आघाडी गावित यांनी मिळाली आहे. गावित यांच्या रूपाने भाजपला मिळालेला हा पहिला विजयआहे. राज्यभर आज सकाळपासून मतमोजणीला सुरवात झालीय. सातारा लोकसभेत भाजप धनंजय मुंडे आघाडीवर आहेत. तर सांगलीत आर आर पाटील यांच्या पत्नी सुमनताई पाटील ह्या … Read more
सातारा प्रतिनिधी । २०१९ च्या विधानसभा निवडणुकांचे निकाल आता जवळपास हाती आले आहेत. निकालानंतर अनेक प्रस्थापितांचं दिवाळ निघाल्याचं पहायला मिळालं आहे. वृत्तवाहिन्यांनी वर्तवलेल्या अंदाजानुसार महायुतीचं सरकार पुन्हा स्थापन होईल हे खरं ठरलं असलं तरी शिवसेना आता काय विचार करणार याकडे जनतेचं लक्ष लागून राहिलं आहे. शरद पवार या व्यक्तिने ही निवडणूक फिरवली असाच या निकालांचा … Read more
महाराष्ट्र विधानसभा निवडणुकीची मतमोजणी सुरू असून भाजपच्या पहिल्या विद्यमान आमदाराचा पराभव झाला आहे. परभणीतील पाथरी विधानसभा मतदारसंघातून काँग्रेसचे सुरेश वरपूडकर विजयी झाले आहेत. वरपूडकर यांनी भाजपचे विद्यमान आमदार विजय फड यांचा पराभव केला केला. आता अंतिम आकडेवारी आणि निवडणूक आयोगाची औपचारिक अधिकृत घोषणाच बाकी आहे. या निकालाने भाजपला मोठा धक्का बसला आहे.
जिल्ह्यामध्ये चारही मतदारसंघांमध्ये मतमोजणीस प्रारंभ झाला आहे. या सोबतच हलक्या पावसालाही सुरुवात झाली आहे. सकाळी साडेनऊ वाजेपर्यंत परभणी विधानसभा मतदार संघ वगळता गंगाखेड, जिंतूर आणि पाथरी विधानसभा मतदारसंघातील कल समोर आले आहेत. यामध्ये आघाडी व पिछाडीवर असणाऱ्या उमेदवारांमध्ये गंगाखेड मधून रासपचे रत्नाकर गुट्टे आघाडीवर आहेत. तर या ठिकाणी शिवसेनेचे विशाल कदम पिछाडीवर पडलेले आहेत. तर पाथरी मधून भाजपाचे मोहन फड आघाडीवर असून काँग्रेसचे सुरेश वरपूडकर दोन हजार मतांनी पिछाडीवर पडलेलं आहेत. सध्या या ठिकाणी दोघांमध्ये काट्याची लढत होत आहे. एका एका मतासाठी कार्यकर्त्यांची चांगलीच धाकधूक वाढत आहे.
२०१९ विधानसभा निवडणुकीचा निकाल भल्या भल्यांची झोप उडवणारा ठरला आहे. काँग्रेस-राष्ट्रवादी पक्षाने अनपेक्षित मुसंडी मारत युतीच्या भवितव्यावर प्रश्नचिन्ह उपस्थित केलं आहे. वरळीतील निकालानंतर संजय राऊत यांनी युती आता फिफ्टी फिफ्टी तत्वावर चालणार असल्याचं सांगत सेनेकडे किमान अडीच वर्ष मुख्यमंत्रीपद राहील अशी सूचना केली आहे.
महाराष्ट्र विधानसभेसाठीचा निकाल आज जाहीर होणार असून पुणे जिल्ह्यातील कॅन्टोन्मेंट विधानसभा मतदारसंघात मतमोजणी सुरू असताना काँगेस पक्षाने मतमोजणी प्रक्रियेवर आक्षेप घेतला आहे . सूत्रांकडून मिळालेल्या माहितीनुसार मतमोजणी सुरू असताना काही ईव्हीएम मशीन सील करण्यात आल्या नसल्याचा आक्षेप काँगेस कडून घेण्यात आला आहे. त्यामुळे सुरू असलेली मतमोजणी तहकूब करण्यात आली आहे. काँग्रेसने आक्षेप घेऊन ही मत मोजणी तहकूब केल्यानंतर वरीष्ठ निवडून अधिकारी या मतमोजणी सुरू असलेल्या ठिकाणी पोहचले आहेत.
पहिल्या फेरीत जिल्ह्यातील बारा जागांपैकी तब्बल सात जागांवर राष्ट्रवादी काँग्रेस पक्ष आघाडीवर आहे. प्राथमिक फेरीचा निकाल भारतीय जनता पक्षासाठी आणि ‘युती’साठी मोठा धक्का मानला जात आहे. त्यामुळे जिल्ह्यातील निकालाची उत्सुकता ताणली आहे. पारनेर मतदारसंघातील राष्ट्रवादीचे उमेदवार निलेश लंके दुसऱ्या फेरीत १२०० मतांनी आघाडीवर आहेत. शेवगाव मतदारसंघातून ‘राष्ट्रवादी’चे प्रताप ढाकणे, अहमदनगर मतदारसंघातून राष्ट्रवादीचे संग्राम जगताप हे ६५९ मतांनी आघाडीवर आहेत. तर राहुरी मतदारसंघातून राष्ट्रवादीचे प्राजक्त तनपुरे आघाडीवर आहेत. कोपरगाव मतदारसंघातून राष्ट्रवादीचे आशुतोष काळे ४०० मतांनी आघाडीवर असून शिर्डीतून ‘भाजपा’चे राधाकृष्ण विखे जवळपास चार हजार मतांनी आघाडीवर आहेत.
सातारा जिल्ह्यातील विधानसभेच्या जागांमध्ये चांगलीच चुरस पहायला मिळत आहे. भाजपचे शिवेंद्रसिंहराजे आणि जयकुमार गोरे आघाडीवर दिसत आहेत. मात्र राष्ट्रवादी काँग्रेसने कराड उत्तर, कोरेगाव आणि खंडाळा या तीन मतदारसंघात अपेक्षित आघाडी घेतली आहे. माण-खटावमधून जयकुमार गोरे ५ हजार मतांनी पुढे असून साताऱ्यातही शिवेंद्रसिंहराजे यांनी मोठी आघाडी घेतली आहे.