हॅलो महाराष्ट्र ऑनलाईन। (Tan Removal) कडक उन्हात थोडावेळ जरी फिरलो तरी टॅनिंगची समस्या होते. थेट सूर्य किरणांच्या संपर्कात येणारी त्वचा काळी पडते आणि त्वचेचं सगळं तेज निघून जात. त्यामुळे घराबाहेर पडताना शरीर पूर्णपणे झाकण्याचा सल्ला दिला जातो. शिवाय सनस्क्रीन, सन क्रीम आणि टॅनिंग रिमूव्हर क्रीम तर आवर्जून वापरण्याचा सल्ला दिला जातो. पण बऱ्याच लोकांना असे ब्युटी प्रोडक्ट्स परवडत नाहीत. त्यामुळे आज आम्ही तुम्हाला असे घरगुती उपाय सांगणार आहोत. ज्याच्या मदतीने टॅनिंग चुटकीसरशी गायब होईल.
तुमच्या स्वयंपाक घरात असे बरेच पदार्थ आहेत ज्यांच्या औषधी गुणधर्मांमुळे त्यांचा वापर आयुर्वेदातही केला जातो. (Tan Removal) अशाच काही चमत्कारिक पदार्थांविषयी आज आपण जाणून घेणार आहोत. ज्यांच्या सहाय्याने टॅनिंग आणि हट्टी डाग निघून जातील.
1. बटाटा
त्वचेवरील टॅनिंग दूर करायचे असेल तर बटाटा एक अत्यंत प्रभावी घरगुती उपाय मानला जातो. यातील कॅटेकोलेज हे एंजाइम आपल्या त्वचेचा रंग उजळण्यास मदत करतो. यासाठी तुम्हाला केवळ बटाट्याची पेस्ट त्वचेवर लावावी लागेल किंवा कापलेला बटाटादेखील त्वचेवर चोळल्यास फायदा होईल.
2. टोमॅटो (Tan Removal)
टोमॅटो लाइकोपीन समृद्ध नैसर्गिक सनस्क्रीन असून युगातील अँटी ऑक्सिडंट्स फ्री रॅडिकल्सच्या नुकसानाशी लढायला मदत करतात. त्यामुळे सूर्य किरणांमुळे टॅन झालेली त्वचा उजळायला मदत होते. उन्हातून घरी येताच काळ्या पडलेल्या त्वचेवर टोमॅटो लावा आणि २० मिनिटे तसेच राहू द्या. टॅनिंग लगेच कमी होईल.
3. कच्च दूध
टॅनिंग दूर करण्यासाठी कच्चे दूध अत्यंत फायदेशीर ठरते. (Tan Removal) यामध्ये हळद आणि लिंबाचा रस घातल्यास आणखी फायदा होतो. हे तिन्ही पदार्थ एकत्र केल्यास नैसर्गिक टॅन रिमूव्हर तयार होतो. ज्यामुळे त्वचेचे तेज परत मिळवता येते.
4. हळद आणि बेसन
घरच्या घरी टॅनिंग काढायचे असेल तर हळद, गुलाबपाणी, कच्चे दूध दोन आणि बेसन एकत्र मिसळून ही पेस्ट टॅन झालेल्या भागावर लावा. हा पॅक संपल्यानंतर त्वचा पाण्याने धुवून स्वच्छ करा. त्वचा उजळ होईपर्यंत या पॅकचा वापर दार दुसऱ्या दिवशी करा. आठवड्याभरात फरक दिसून येईल.
5. हळद आणि दही
घरातल्या घरात टॅनिंग काढायचे असेल तर हळद आणि दह्याचे मिश्रण त्वचेवर लावा. (Tan Removal) या पॅकच्या वापराने त्वचेची चमक वाढेल आणि फ्री रॅडिकल्सपासूनदेखील संरक्षण मिळेल.