हॅलो महाराष्ट्र ऑनलाईन । तुम्ही जर स्वस्तात मस्त आणि खिशाला परवडणारा मोबाईल खरेदी करण्याचा विचार करत असाल तर हि बातमी खास तुमच्यासाठी आहे. मोबाईल निर्माता ब्रँड टेक्नोने भारतीय बाजारात नवा 5G मोबाईल लाँच केला आहे. Tecno POP 9 5G असं या स्मार्टफोनचे नाव असून त्याची किमंत अवघी 9,499 रुपये ठेवण्यात आली आहे. स्वस्त किमतीत उपलब्ध असूनही या मोबाइल मध्ये अनेक भन्नाट फीचर्स देण्यात आली आहे. टेक्नोचा हा मोबाईल मिडनाईट शॅडो, अझूर स्काय आणि अरोरा क्लाउड या तीन रंगांच्या पर्यायांमध्ये लाँच झाला आहे.
डिस्प्ले –
Tecno POP 9 5G स्मार्टफोन मध्ये 120Hz रिफ्रेश रेटसह 6.6 इंचाचा HD+ डिस्प्ले देण्यात आला आहे. या डिस्प्लेला 1612 x 720 पिक्सेल रिझोल्युशन मिळते. कंपनीने या मोबाईल मध्ये Octa Core MediaTek Dimensity 6300 6nm प्रोसेसर बसवला असून त्यानुसार हा मोबाईल 4GB रॅम आणि 64GB/128GB स्टोरेजसह लाँच करण्यात आला आहे.
कॅमेरा – Tecno POP 9 5G
मोबाईल घेत असताना आपण नेहमीची त्याची कॅमेरा क्वालिटी चेक करत असतो. टेक्नोच्या या स्मार्टफोन मध्ये 48MP मुख्य कॅमेरा देण्यात आला आहे. हा कॅमेरा एलईडी फ्लैश सह येतो, तर सेल्फी आणि विडिओ कॉल साठी समोरील बाजूला 8MP चा फ्रंट कॅमेरा उपलब्ध आहे. या मोबाईल मध्ये पॉवरसाठी ५०००mAh बॅटरी बसवण्यात आली असून हि बॅटरी 18W फास्ट चार्जिंगला सपोर्ट करते.
किंमत आणि ऑफर-
या स्मार्टफोनच्या 4GB रॅम आणि 64GB स्टोरेज व्हेरिएंट असलेल्या मोबाईलची किंमत 9,499 रुपये ठेवली आहे तर 4GB रॅम आणि 128GB स्टोरेज व्हेरिएंटची किंमत 9,999 रुपये आहे. पहिल्या सेल मध्ये ग्राहकांना 1000 रुपयांचा डिस्काउंट मिळत आहे म्हणजेच तुम्ही अवघ्या 8,499 रुपयांत हा स्मार्टफोन खरेदी करू शकता. ग्राहक 499 रुपयांमध्ये या मोबाईलचे परी बुकिंग करू शकतात.