Diwali 2024 : येत्या काही दिवसातच दिवाळीचा सण येतोय . त्यामुळे अनेक गृहिणींची बाजार आणि इतर खरेदीसाठी लगबग सुरु झाली आहे. कोणाचा फराळ लवकर तयार होणार , अशी अनोखी स्पर्धा पाहण्यास मिळते. त्या घाई गडबडीत आपण दुकानातून कमी दर्जाच्या माल घेऊन येतो. कमी गुणवत्ता असलेल्या मालात मोठ्या प्रमाणात भेसळ असते. हि भेसळ आरोग्यासाठी हानिकारक असून , या पदार्थाच्या सेवनामुळे भयंकर रोगाला झुंजावे लागते. हे टाळण्यासाठी आज आम्ही तुम्हाला दिवाळीत मालाची खरेदी कशी करावी ,तसेच पदार्थांची पारख कशी करावी हे सांगणार (Diwali 2024) आहोत. यामुळे तुम्ही तुमची दिवाळी आनंदात घालवू शकता.
जिरे आणि काळी मिरी यांच्यातील भेसळ (Diwali 2024)
सणासुदीत जास्त फायदा मिळवण्यासाठी दुकानदार अगदी मसाल्यांपासून ते पावडरपर्यंत भेसळ करतात . त्यामुळे गृहिणींनी पदार्थांची शुद्धता तपासणे गरजेचे आहे . बाजारातून जिरे खरेदी करत असताना प्रथम हातात थोडे जिरे घ्या . ते दोन्ही तळहातामध्ये घासा . जर त्या जिराचा रंग हाताला लागत असेल , तर समजून जा कि त्यामध्ये भेसळ केली आहे . काही मिरी हि पपईच्या बियांसारखी दिसतात. त्यामुळे कधी कधी भेसळयुक्त काळी मिरीमध्ये पपईच्या बिया टाकल्या जातात. मिरी तपासण्यासाठी ती पाण्यात टाका. काळी मिरी पाण्यावर तरंगत असेल तर ती पपईची बी असलयाचे समजून येते .
बडीशेप आणि कोथिंबीरमधील भेसळ
बडीशेप आणि कोथिंबीर मार्केटमध्ये मिळते . यावर हिरव्या रंगाचा थर असतो. तो तपासण्यासाठी कोथिंबीरीत आयोडीन (Diwali 2024) मिसळा, रंग काळा झाला तर समजून घ्या की कोथिंबीर बनावट आहे. कोथिंबीर नळाच्या पाण्याने धुवून घेतली आणि रंग निघू लागला तरी त्यातली भेसळ कळून येते. बडीशेपच्या बाबतीत अशीच प्रक्रिया करावी . बडीशेप पाण्यात टाकल्याने थोडा पोपटी रंग जाणे स्वाभाविक आहे. पण जर पाणी हिरवे होत असेल तर त्यामध्ये भेसळ आहे हे समजून जावे .
हिंग तसेच मिरची पावडरीतील भेसळ (Diwali 2024)
हिंगाचा दर्जा तपासण्यासाठी पाण्यात टाका . पाण्याचा रंग दुधाळ झाला तर हिंग खरे आहे किंवा हिंगाचा तुकडा जिभेवर ठेवा. जर हिंग चांगला असेल तर तुम्हाला कडूपणा किंवा तुरटपणा जाणवेल. सर्वात जास्त भेसळ हि लाल मिरची पावडरमध्ये केली जाते . ती (Diwali 2024) तपासण्यासाठी मिरची पावडर पाण्यात टाका, जर रंग पाण्यात विरघळला आणि भुसा तरंगू लागला तर मिरची पावडर बनावट आहे असे समजावे. भेसळ नसलेली मिरची पावडर पाण्यात मिसळून पाण्याला लाल रंग येईल.
तुप आणि दुधातील भेसळ (Diwali 2024)
तुपातील भेसळ तपासण्यासाठी दोन चमचे हायड्रोक्लोरिक ऍसिड आणि दोन चमचे साखर घेऊन त्यात एक चमचा तूप मिसळा. मिश्रण लाल झाले तर समजून जा की तुपामध्ये भेसळ केली आहे. दुधामध्ये भेसळ केली आहे कि नाही हे ओळखण्यासाठी आपले बोट दुधात घाला आणि ते बाहेर काढा. जर दूध बोटाला चिकटले तर ते दूध शुद्ध आहे. दूध चिकटले नाही तर दुधात भेसळ आहे. यामध्ये पाणी, दूध पावडर आणि रसायनांची भेसळ केली (Diwali 2024) जाते. हे ओळखण्यासाठी तुम्ही या पदधतींचा वापर केल्यास तुम्हाला चांगल्या दर्जाच्या मालाची पारख करता येईल.