औरंगाबाद | शहरातील गारखेडा परिसरात कन्नड तालुक्यातील युवकाने खोलीमध्ये गळफास गळफास लावून आत्महत्या केली. ही घटना 30 जुलै रोजी दुपारी एक वाजेच्या सुमारास उघडकीस आली.
सागर शिवाजी आगाडे, वय 25,( रा. जवखेड, ता. कन्नड) हा सिग्मा रुग्णालयात कामाला होता. गेल्या दोन ते तीन महिन्यापूर्वी तो शंभू नगरात किरायाने खोली घेऊन राहत होता. दुपारी 1 च्या सुमारास त्याने गळफास घेतल्याचे शेजारी भागवत जाधव यांच्या निदर्शनास आले.
त्यांनी घटनेची माहिती जवाहरनगर पोलिसांना दिली. पोलिसांनी सागरला बेशुद्धावस्थेत घाटीत दाखल केले. त्याला डॉक्टरांनी तपासून मृत घोषित केले. त्याच्या पश्चात आई-वडील, भाऊ असा परिवार आहे. याबाबत अकस्मात मृत्यूची नोंद जवाहरनगर पोलिस ठाण्यात करण्यात आली असून पुढील तपास पोलिस करत आहेत.
