हॅलो महाराष्ट्र ऑनलाईन | UGC Big Decision देशातील अनेक तरुण हे उच्च शिक्षण घेत असतात. त्यासाठी त्यांना अनेक परीक्षा द्याव्या लागत होत्या. परंतु आता तरुणांचा उच्च शिक्षणाचा मार्ग सुकर झाला आहे. UGC NET या परीक्षेत आता दोन मोठे बदल झालेले आहेत. आणि हे दोन्ही बदल आता सत्रानुसार लागू केले जाणार आहेत.
याआधी विद्यार्थ्यांना पीएचडी (Ph.D)करायची असेल, तर त्यासाठी मास्टर डिग्री (Master Deegree) गरजेची होती. परंतु आता चार वर्षाची UG पदवी असलेले विद्यार्थी देखील थेट पीएचडी (Ph. D) करू शकतात. याबद्दलची माहिती यूजीसीचे अध्यक्ष एम जगदीश कुमार यांनी दिलेली आहे.
विषयाची सक्ती असणार नाही | UGC Big Decision
याबाबत यूजीसीचे अध्यक्ष एम जगदीश कुमार हे म्हणाले की, जर विद्यार्थी चार वर्षाची पदवी किंवा आठ सेमिस्टर युजी कोर्स करत आहेत. आणि त्यांच्या शेवटच्या वर्षात किंवा सेमिस्ट मध्ये आहेत. ते यूजीसी 2024 जून परीक्षेसाठी अर्ज करू शकतात. परंतु त्यांच्याकडे ग्रॅज्युएशनमध्ये 75 टक्के गुण किंवा समतुल्य ग्रेड असणे आवश्यक आहे. यासोबतच विद्यार्थ्यांना कोणत्याही विषयाची सक्ती राहणार नाही. म्हणजेच तुम्ही आता पदवी विषयाऐवजी कोणत्याही विषयात पीएचडी करू शकता.
UGC NET साठी अर्ज सुरू
या UGC NET परीक्षेसाठी अर्ज प्रक्रिया 20 एप्रिल 2024 पासून सुरुवात झालेली आहेत. 10 मे 2024 पर्यंत तुम्ही ऑनलाईन पद्धतीने अर्ज करू शकता. तर 30 मे ते 15 मे या कालावधीत अर्जामध्ये दुरुस्ती करता येतील. UGC NET परीक्षा ही 16 जून 2024 रोजी होणार आहे.
अर्ज कसा करावा?
- UGC NET च्या अधिकृत वेबसाइटला भेट द्या.
- त्यानंतर UGC NET जून 2024 च्या लिंक अर्जावर क्लिक करा.
- त्यानंतर नोंदणी प्रक्रिया पूर्ण करा
- त्यानंतर अर्जासाठी आवश्यक असणारे सगळी माहिती भरा.
- तसेच सगळी कागदपत्र अपलोड करा आणि सबमिट करा.
- फॉर्म सबमिट केल्यानंतर त्याची एक प्रत भविष्यासाठी तुमच्याकडे ठेवा.
अर्ज शुल्क
या यूजीसी नेट परीक्षेसाठी अनारक्षित श्रेणीतील उमेदवारांना 1150 रुपये शुल्क भरावे लागणार आहे त्याचवेळी ओबीसी प्रवर्गातील उमेदवारांना 600 रुपये भरावे लागणार आहे. तर एससी / एसटी प्रवर्गातील उमेदवारांना 325 रुपये शुल्क भरावे लागणार आहे.
