आजच्या डिजिटल युगात UPI (युनिफाइड पेमेंट्स इंटरफेस) मुळे आर्थिक व्यवहार जलद आणि सोपे झाले आहेत. मात्र, 1 एप्रिल 2025 पासून लागू झालेल्या नव्या नियमांमुळे अनेकांना Google Pay, PhonePe आणि Paytm सारख्या अ‍ॅप्सवरून पेमेंट करताना अडचणी येत आहेत. जर तुम्हालाही UPI पेमेंट फेल होत असेल, तर काळजी करू नका! यामागचे कारण आणि उपाय समजून घ्या.
UPIच्या नव्या नियमांचा उद्देश काय?
नॅशनल पेमेंट्स कॉर्पोरेशन ऑफ इंडिया (NPCI) ने बँकांना निर्देश दिले आहेत की, लांब कालावधीसाठी न वापरले गेलेले मोबाईल नंबर बँकिंग सिस्टममधून काढून टाकण्यात यावेत. याचा मुख्य उद्देश सायबर फसवणूक आणि आर्थिक गैरव्यवहार रोखणे हा आहे.
तुमच्या मोबाइल नंबरचा कोणी गैरवापर करू शकणार नाही
नव्या नियमांमुळे टेलिकॉम कंपन्यांनी इतरांना वाटप केलेले जुने मोबाइल नंबर UPI सिस्टीममधून हटवले जातील. त्यामुळे तुमचा जुना नंबर कोणी गैरवापर करू शकणार नाही आणि तुमच्या बँक खात्याशी अनधिकृत व्यवहार होणार नाहीत.
UPI पेमेंट फेल होण्याची कारणे
जर तुम्हाला UPI पेमेंट करताना अडचण येत असेल, तर तुमच्या बँक खात्याशी लिंक केलेला नंबर हटवण्यात आला असेल. टेलिकॉम कंपनीने तुमचा जुना नंबर दुसऱ्या व्यक्तीला वाटप केला असेल.NPCIच्या नव्या नियमांनुसार बँकेने निष्क्रिय नंबर रद्द केला असेल.
- UPI पेमेंट बंद झालेय? तर हे त्वरित करा!
- बँकेत जाऊन रजिस्टर नंबर तपासा – नेट बँकिंग किंवा मोबाईल बँकिंगद्वारे तपासा की, तुमच्या बँक खात्याशी कोणता मोबाइल नंबर लिंक आहे. जर तो जुना किंवा निष्क्रिय असेल, तर तो अपडेट करण्याची प्रक्रिया सुरू करा.
- नवीन नंबर बँकेत अपडेट करा – जर बँकेत जुना नंबर लिंक असेल, तर लवकरात लवकर बँकेत जाऊन नवीन नंबर अपडेट करा. त्यासाठी आधार कार्ड किंवा ओटीपी व्हेरिफिकेशन आवश्यक असू शकते.
UPI अ‍ॅपमध्ये पुन्हा रजिस्ट्रेशन करा – एकदा नवीन नंबर अपडेट झाला की, तुमच्या UPI अ‍ॅपमध्ये पुन्हा नोंदणी करा. त्यानंतर नवीन नंबर व्हेरिफाय करण्यासाठी रिक्वेस्ट टाका.
यासोबतच, बँकेकडून कोणत्याही अधिकृत सूचना मिळाल्या आहेत का, याकडे लक्ष ठेवा.
नव्या नियमांचा तुमच्यावर काय परिणाम होईल?
- UPI व्यवहार अधिक सुरक्षित होतील.
- सायबर गुन्ह्यांचे प्रमाण घटेल.
- तुमच्या जुन्या नंबरचा कोणीही गैरवापर करू शकणार नाही.
- जर तुम्हाला UPI पेमेंटमध्ये अडचणी येत असतील, तर वरील उपाय त्वरित करा आणि तुमच्या डिजिटल पेमेंटचा अनुभव सुरळीत ठेवा!
