हॅलो महाराष्ट्र ऑनलाईन। (Viral Video) सोशल मीडियावर कायम वेगवेगळे व्हिडिओ व्हायरल होत असतात. ज्यातील बरेच व्हिडिओ धक्कादायक देखील असतात. सोशल मीडियावर प्राण्यांचे बरेच व्हिडिओ ट्रेंडिंगमध्ये असतात. तुम्ही पाहिले असतील शांत, सौम्य कधी क्युट वाटणारे हे व्हिडिओ फार व्हायरल होतात. याउलट काही व्हिडिओ मात्र अंगावर काटा आणणारे असतात. असाच एक भयानक व्हिडिओ सोशल मीडियावर व्हायरल होतोय. ज्यामध्ये एका पाळीव कुत्र्याने एका चिमुकलीवर हल्ला केल्याचे दिसून येत आहे. हा व्हिडिओ पाहून तुमच्याही अंगावर शहारा येईल.
कुठे घडली घटना?
माहितीनुसार, दिल्लीतील नोएडामध्ये सेक्टर १०७ येथील एका रहिवाशी इमारतीच्या लिफ्टमध्ये ही घटना घडल्याचे समोर आले आहे. एका पाळीव कुत्र्याने लिफ्टमध्ये चिमुकलीवर हल्ला केल्याचा हा धक्कादायक प्रकार उघडकीस आलाय. ही घटना लिफ्टमधील सीसीटीव्ही कॅमेरात कैद झाल्याने सोशल मीडियावर हा व्हिडिओ व्हायरल (Viral Video) झालाय. या व्हिडिओत लिफ्टमधील एका मुलीवर पाळीव कुत्र्याने हल्ला केल्याचे दिसत आहे. एका मजल्यावर लिफ्ट काही सेकंदासाठी उघडली असता कुत्र्याने धावत येऊन मुलीवर उडी मारली आणि तिच्या हाताचा चावा घेतला. वेदनेने कळवळणाऱ्या मुलीला पाहून देखील कुत्र्याचा मालक मात्र काही न घडल्यासारखा स्तब्ध होता. ही अत्यंत संतापजनक बाब आहे.
नेटकऱ्यांनी व्यक्त केला संताप (Viral Video)
सोशल मीडियावर व्हायरल होणाऱ्या या व्हिडिओमध्ये छोट्या कुत्र्याने मुलीवर हल्ला केल्याचे स्पष्ट दिसून येत आहे. तरीसुद्धा कुत्र्याचा मालक मात्र ज्या पद्धतीने त्या मुलीशी वागला ते पाहून नेटकऱ्यांनी संताप व्यक्त केला आहे. कुत्र्याने चावा घेतल्यानंतर ती लहान मुलगी वेदनेने ओरडत होती. मात्र, या व्यक्तीने कुत्र्याला लिफ्टबाहेर काढले आणि तीहून निघून जाणे पसंत केले. त्या मुलीची साधी चौकशी देखील करण्याचे कष्ट या माणसाने घेतले नाहीत. (Viral Video) जे पाहून नेटकरी भडकले आहेत. हा व्हिडिओ पाहिल्यानंतर अनेक नेटकऱ्यांनी कुत्र्याच्या मालकावर जोरदार टीका केली असून त्याच्यावर कारवाई करा अशी मागणी केली आहे.
सोशल मीडियावर व्हायरल होणारा हा व्हिडिओ एक्स हॅण्डल jyoti_karki नावाच्या अकाउंटवरून शेअर करण्यात आला आहे. हा व्हिडिओ आतापर्यंत प्रचंड व्हायरल झाला असून १७ हजाराहून जास्त लोकांनी पाहिला आहे. यावर अनेक नेटकऱ्यांनी विविध प्रतिक्रिया देत कुत्र्याच्या मालकावर संताप व्यक्त केला आहे. शिवाय सोसायटीमध्ये कुत्रा पाळण्यावर आक्षेपही दर्शवला आहे. लहान मुलांच्या सुरक्षेसाठी असे प्राणी पाळणे योग्य नाही, असेही मत काहींनी व्यक्त केले आहे. (Viral Video)