हॅलो महाराष्ट्र ऑनलाईन। (Viral Video) आजकाल सोशल मीडियावर व्हायरल होण्यासाठी बरेच लोक वेगवेगळ्या प्रकारचे व्हिडीओ बनवताना दिसतात. यामध्ये अगदी लहानांपासून ते वयोवृद्ध मंडळींपर्यंत सगळ्यांचे व्हिडीओ पहायला मिळतात. यातील बरेचसे व्हिडीओ हे डान्सचे असतात. वेगवेगळ्या गाण्यांवर वेगवेगळ्या पद्धतीने खुल्या पद्धतीने डान्स करणारे लोक कायम सोशल मीडियावर ट्रेंडिंगमध्ये दिसतात. अशातच आता एका आज्जीबाईंचा जबरदस्त व्हिडीओ व्हायरल होतो आहे. यामध्ये एक आज्जी चक्क बॉलिवूडच्या गाण्यावर भन्नाट नाचताना दिसतेय.
पहा व्हायरल व्हिडीओ (Viral Video)
सोशल मीडियावर एक व्हिडीओ तुफान व्हायरल होतो आहे. या व्हिडीओमध्ये एक आजीबाई मनसोक्त डान्स करताना दिसत आहेत. त्यांचा डान्स पाहून अगदी तरुण मंडळी सुद्धा लाजतील. या व्हायरल व्हिडीओमध्ये या आजीने डोक्यावर पदर घेतला घेऊन नव्वदच्या दशकातील एका लोकप्रिय गाण्यावर असला भन्नाट डान्स केलाय की, व्हिडीओ पाहून तुमचेही पाय थिरकतील. या आजीने ९०’च्या काळात सुपरहिट झालेल्या ‘करन- अर्जुन’ या सिनेमातील ‘लम्बा लम्बा घूँघट काहे को डाला – मुझको राणाजी माफ करना’ या गाण्यावर डान्स केला आहे. (Viral Video)या व्हिडिओत नाचणाऱ्या आजीच्या चेहऱ्यावरील हावभाव पाहून तुम्हाला कौतुक वाटेल.
उतार वयातही आपल्या लहान लहान नातवंडे आणि घरातील इतर सदस्यांसोबत मनसोक्त डान्स करणारी ही आजी सध्या सोशल मीडियावर ट्रेंडिंगमध्ये आहे. या आजीच्या डान्स स्टेप्स आणि तिच्या चेहऱ्यावरील हावभाव आजच्या तरुण पिढीला अगदी थक्क करणारे आहेत. (Viral Video)आजीची एनर्जी तर इतकी खतरनाक आहे की, तिच्यासोबत स्पर्धा करताना कुणी दहावेळा विचार करेल. हा व्हिडीओ पाहून खरोखर म्हणावे लागेल की, ‘आनंदाला वयाचे भान नसते’ किंवा ‘वय हा फक्त आकडा असतो’
नेटकऱ्यांच्या प्रतिक्रिया
या आजीचा हा व्हिडीओ सोशल मीडिया इंस्टाग्राम हँडलवर 90s_song नावाच्या अकाउंटवरून शेअर करण्यात आला आहे. या व्हिडीओच्या कॅप्शनमध्ये लिहिलंय, ‘आज्जी’. हा व्हिडीओ आतापर्यंत अनेकांनी पाहिला असून यावर विविध प्रतिक्रिया दिल्या आहेत. एका युजरने कमेंटबॉक्समध्ये लिहिलं आहे की, ‘दादी रॉक, पब्लिक शॉक’. (Viral Video) तर आणखी एकाने लिहिलंय, ‘जवानी मोड ऑन आज्जी… खूप गोड दिसताय’. अन्य एकाने लिहिलंय, ‘आजी तिच्या काळातली मधुबाला होती’. तर अनेकांनी या व्हिडिओवर हार्ट ईमोजी शेअर केले आहेत.