हॅलो महाराष्ट्र ऑनलाईन। (Viral Video) आपलं लग्न धुमधडाक्यात आणि सगळ्यांच्या लक्षात राहील असं व्हायला हवं म्हणून आजकालची तरुण मंडळी शक्य ते सगळं करतात. मग होतेकी डान्स असो किंवा अजून काही. लग्न समारंभात गेम्स खेळणे, सेलिब्रिटी आणणे हे सगळे फंडे आता जुने झाले. त्यामुळे आजच्या घडीला काय केलं म्हणजे चर्चा होईल? याचा विचार सगळेच करत असतात. लग्न आयुष्यातला सगळ्यात महत्वाचा दिवस असतो. त्यामुळे हा दिवस जंगी साजरा करायचा म्हणून आजकाल हटके एंट्री केली जाते. मंडपात प्रवेश करण्यापासून ते वरातीपर्यंत सगळं कसं एकदम युनिक झालं पाहिजे. असाच एका वरातीचा व्हिडीओ सोशल मीडियावर व्हायरल होतोय. ज्यामध्ये नवरदेवाने घोड्यावरून नव्हे तर इलेक्ट्रिक स्कुटीवरून एंट्री घेतली आहे.
व्हायरल व्हिडीओ (Viral Video)
सोशल मीडियावर व्हायरल होणाऱ्या व्हिडीओत आपण पाहू शकतो की, नवरदेव घोडा किंवा कारमधून नव्हे तर चक्क एथर इलेक्ट्रिक स्कूटरवरून आला आहे. त्याच्या या अनोख्या एंट्रीने सर्वांचे लक्ष वेधून घेतले आहे. या नवऱ्या मुलाचे नाव दर्शन पटेल असे आहे आणि त्याने त्याची वरात हटके करायची म्हणून चक्क इलेक्ट्रिक स्कुटरवरून एंट्री घेतली आहे. यासाठी त्याने आपल्या एथर रिझता इलेक्ट्रिक स्कूटरला हार, फुलं, तोरणं लावून मस्त सजवले आहे. या व्हिडिओत आपण पाहू शकतो की, वरातीत त्याच्या कुटुंबातील मंडळी देखील मस्त सजून धजून नाचत आहेत.
आजपर्यंत तुम्ही बऱ्याच वराती पाहिल्या असतील. ज्यामध्ये डोक्यावर दिवे, डीजे, बेंजोसह नवरदेवाची घोड्यावरून किंवा रथातून वगैरे एंट्री होते. पण या सगळ्या वरातींपेक्षा हा व्हिडीओ फारच वेगळा आहे. एथर इलेक्ट्रिक स्कूटरवरून एका नवरदेवाची वरात पाहून रस्त्यावरून जाणारे लोक सुद्धा पाहत राहिले आहेत. (Viral Video) तसेच हा व्हिडीओ सोशल मीडियावर तुफान व्हायरल होत असून एथर एनर्जीचे सीईओ आणि सह-संस्थापक तरुण मेहता यांनीसुद्धा शेअर केला आहे. सोबत कॅप्शनमध्ये लिहिलंय, ‘हे गेल्या वीकेंडला घडलं! दर्शनला त्याची वरात एथर इलेक्ट्रिक स्कूटरवरून घेऊन जायची होती आणि आम्ही त्याची वरात आणखी खास केली’.
नेटकऱ्यांच्या प्रतिक्रिया
हा व्हायरल व्हिडीओ सोशल मीडिया हॅण्डल इंस्टाग्रामवर peakbengaluru या एक्स (ट्विटर) अकाउंटवरुन शेअर करण्यात आला आहे. आतापर्यंत हा व्हिडीओ अनेकांनी पहिला असून या व्हिडीओतील ‘रिझता’ ही एथर कंपनीची नवीन लाँच केलेली इलेक्ट्रिक स्कूटर सगळ्यांचे लक्ष वेधून घेत आहे. (Viral Video) यावर काही नेटकऱ्यांनी प्रतिक्रिया दिल्या आहेत. यातील एकाने लिहिलंय, ‘आपल्या प्रोडक्टची पब्लिसिटी करण्याचा एक अनोखा मार्ग..’ आणखी एकाने म्हटलंय, ‘अरे वाह एकदम पर्यावरणपूरक वरात.. मला हे आवडलंय’. तर अन्य एकाने लिहिले, ‘एक नंबर.. मस्त शुभ्र रंगाची आधुनिक घोडी आहे’.