Viral Video : हल्ली थीम हॉटेल्सची खूप चालती आहे. एखाद्या ग्रामीण शैलीतील हॉटेल किंवा शाळेच्या थीम मधील हॉटेल किंवा मग एखाद्या जेलच्या थीमचे हॉटेल अशी उदाहरणे तुम्ही पहिलीच असतील. मात्र आज आम्ही तुम्हाला अशा एका हॉटेल बद्दल सांगणार आहोत जिथे वेटर काम करीत नाहीत तर तुमची ऑर्डर एक ट्रेन घेऊन येते… आहे युनिक आणि अफलातून हॉटेल थीम … तर सोशल मीडियावर याच हॉटेलचा व्हिडीओ (Viral Video) व्हायरल होतो आहे. चला पाहुयात …
हे हॉटेल कुठे परदेशात नाहीये तर आपल्या भारतात आहे. बिहारमधल्या समस्तीपूर येथील हा व्हिडीओ आहे. या हॉटेलचं नावाचं ट्रेन हॉटेल आहे. जिथे आसन व्यवस्था सुद्धा या थिमला साजेशीच आहे. म्हणजेच एका ट्रेनला जाण्यासाठी मध्ये रूळ आणि एक प्लॅटफॉम केला आहे. तर त्याच्या साईडला टेबल्स असून त्यांना ठिकणांची नावं दिली आहेत. जसे की ट्रेन आपल्या विविध ठिकाणांना पोहचवत असते. त्याचपद्धतीने या हॉटेल मधली ट्रेन मुंबई सेंट्रल, नवी दिल्ली, चेन्नई अशा स्थानक म्हणजेच ग्राहकांच्या टेबलावर येऊन पोहचते. ट्रेनच्या रुळाच्या बाजूला आकर्षक असे आर्टिफिशिअल ग्रास टाकले आहे ज्यामुळे ही ट्रेन जेव्हा पदार्थ घेऊन तुमच्या टेबलापर्यंत येते तेव्हा आणखीच भारी वाटते .
काय आहे व्हिडीओ ?
हा व्हायरल होणारा व्हिडीओ @prateek_bihari या इंस्टाग्राम अकाउंट वरून शेअर करण्यात आला आहे. व्हिडीओ मधील व्यक्ती या खास रेल्वे थीम हॉटेल मध्ये गेला असून तो या हॉटेलची माहिती संगतो आहे. शिवाय या व्हिडीओ मध्ये तुम्हाला चहाचे कप घेऊन येताना छोटी ट्रेनही दिसेल. या व्हिडीओ ला नेटकऱ्यानी पसंती दिली असून अनेक चांगल्या कमेंट केल्या आहेत.