हॅलो महाराष्ट्र ऑनलाईन। (Weird Food Fusion) सोशल मीडियावर व्हायरल होणाऱ्या व्हिडिओंमध्ये अनेक व्हिडीओ विचित्र फूड फ्युजनचे असतात. जे पाहून आयुष्यात पुन्हा तो पदार्थ खाण्याची ईच्छा आणि हिंमत दोन्ही होत नाही. सध्या सोशल मीडियावर असाच एक व्हिडीओ व्हायरल होतोय. जो पाहून तुमचं डोकंच फिरेल. लहानांपासून मोठ्यांपर्यंत सगळ्यांना आवडणारे दोन पदार्थ एकत्र करून बनवलेली ही मिठाई तुम्ही खाऊ शकाल का? हे तुम्हीच व्हिडीओ पाहून ठरवा.
व्हायरल व्हिडीओ (Weird Food Fusion)
एका बाजूला बर्गर आणि दुसऱ्या बाजूला आईस्क्रीम.. हे दोन पदार्थ एकत्र केले तर..? ज्याचा तुम्हाला विचारसुद्धा करवत नाही असा पदार्थ या व्हिडिओतील व्यक्तीने बनवला आहे. बर्गरचा आईस्क्रीम रोल बनवणाऱ्या या व्यक्तीचा व्हिडीओ तुफान व्हायरल होतो आहे. स्ट्रीट फूड लव्हर्सची काही कमी नाही. त्यामुळे बरेच स्ट्रीट फूड विक्रेते अजब गजब प्रयोग करत असतात. आताही असाच एक वेगळा फूड फ्युजनचा प्रयोग या व्हिडिओतून तुम्हाला पहायला मिळेल. बर्गर आणि आईस्क्रीम वेगवेगळे तर तुम्ही खाल्ले असेल. पण बर्गर आईस्क्रीम रोल अत्यंत वेगळी डिश सध्या चर्चेत आली आहे.
या व्हिडिओत तुम्ही पाहू शकता की, एक व्यक्ती सगळ्यात आधी एक बर्गर घेतो. त्यानंतर बर्गरवर दूध घालून बर्गरचे तुकडे करू लागतो. बराच वेळ बर्गरचे तुकडे केल्यानंतर हे दोन्ही पदार्थ एकमेकांत मिसळून घेतो. (Weird Food Fusion) त्यानंतर अगदी काही सेकंदातच आईस्क्रीम रोल तयार होतो. शेवटी एका कपमध्ये याचे छोटे छोटे रोल आणि त्यावर टोमॅटो तसेच कांद्याच्या चकत्या ठेवून सर्व्ह करतो. सोशल मीडियावर हा व्हिडीओ प्रचंड व्हायरल झाला असून त्यावर अनेक नेटकऱ्यांनी विविध प्रकारच्या प्रतिक्रिया दिल्या आहेत.
नेटकऱ्यांच्या प्रतिक्रिया
हा व्हिडीओ सोशल मीडिया इंस्टाग्राम हॅण्डलवर mumbaikarfoodie__ नावाच्या अकाऊंटवरून शेअर करण्यात आला आहे. या व्हिडिओच्या कॅप्शनमध्ये लिहिलंय, ‘बर्गर आईस्क्रीम रोल्स’. ही रील प्रचंड ट्रेंडिंग असून आत्तापर्यंत लाखो लोकांनी पाहिली आहे. (Weird Food Fusion) हा व्हिडीओ पाहिल्यानंतर फुडी लोकांनी मात्र संताप व्यक्त करत बर्गरला न्याय द्या, अशी मागणी केली आहे. एकाने लिहिलंय, ‘बर्गरची वाट लावायची हिंमत कशी झाली तुझी?’. तर आणखी एकाने म्हटलंय, ‘हे करण्याआधी तू मेला का नाहीस?’