हल्ली घरोघरी कपडे धुण्यासाठी वॉशिंग मशीन वापरले जाते. मात्र अनेकदा आपण मशीनमध्ये फिकट आणि गडद रंगांचे कपडे एकत्र टाकतो त्यामुळे गडद रंगाच्या कपड्यांवर पांढरे डाग पडतात. तुम्ही सुद्धा या समस्येने त्रस्त असाल तर आज आम्ही तुम्हाला एक ट्रेक सांगणार आहोत ज्यामुळे तुमचे गडद रंगाचे कपडे पांढरे डाग न पडता आहे तसे राहतील. चला जाणून घेऊया…
काय कराल उपाय ?
हल्ली बऱ्याच घरांमध्ये वॉशिंग मशीन चा वापर केला जातो. मात्र वॉशिंग मशीनचा वापर करत असताना जर तुम्ही डिटर्जंट किंवा लिक्विड डिटर्जंट कलरच्या कपड्यांमध्ये घातले तर काही वेळेला कलर जाण्याची शक्यता असते. गडद रंगाच्या कपड्यांवरील पांढरे डाग काढून टाकण्यासाठी एक सोपा उपाय तुम्ही करू शकता. हा उपाय करण्यासाठी सर्वात आधी वॉशिंग मशीन मध्ये वॉशिंग पावडर आणि कपड्याचे कंडिशनर आणि पाणी घालून मिश्रण तयार करून घ्या. त्यानंतर त्यामध्ये पांढरे डाग पडलेले किंवा काळे किंवा गडद रंगाचे कपडे घाला आणि सगळ्यात शेवटी मशीनमध्ये ॲल्युमिनियम फॉईलचा एक गोळा करून घाला.
म्हणून पडतात पांढरे डाग
तसे पाहायला गेल्यास गडद रंगाचे कपडे धुताना त्यामध्ये स्टॅटिक इलेक्ट्रिसिटी निर्माण होते. त्यामुळे यावर लिंट तयार होऊन पांढरे डाग तयार होतात. असे कपडे धुताना त्यामध्ये ॲल्युमिनियम फॉईल चे काही गोळे घातले तर ॲल्युमिनियम फॉइल स्टॅटिक इलेक्ट्रिसिटीला आपल्याकडे खेचून घेतो. त्यामुळे गडद रंगाच्या कपड्यावर पांढरे डाग पडत नाहीत. यासोबतच शक्यतो काळा किंवा गडद रंगाचे कपडे धुवायला टाकताना नेहमी उलटे करून टाका म्हणजे आतली बाजू वर जाऊन धुवायला टाकावे त्यामुळे फारसे काळे डाग पडत नाहीत.