रेल्वेमध्ये तुमची सीट कुणी बळकावलीये ? उठतच नाहीयेत ? करा ‘हे’ काम, मिनिटात मिळेल जागा

देशभर दिवाळी सणाची लगबग सुरु आहे. वर्षातील या सर्वात मोठ्या सणाला लोक आवरून आपल्या गावाकडे जातात. सणासुदीच्या काळात ट्रेनला खूप गर्दी असते. दिल्ली, महाराष्ट्र आणि गुजरातमधून यूपी-बिहारकडे जाणाऱ्या गाड्या तुडुंब भरल्या आहेत. अशा परिस्थितीत कन्फर्म तिकिटांसह प्रवास करणाऱ्यांना सर्वाधिक त्रास सहन करावा लागतो, कारण वेटिंग तिकीट असलेले लोक त्यांच्या जागेवर बसतात आणि त्यांना उठण्याची इच्छा नसते. अशा परिस्थितीत कन्फर्म तिकीट असलेल्या व्यक्तीला संपूर्ण प्रवास बसूनच करावा लागतो. पण आता तुमच्या कन्फर्म केलेल्या सीटवर कोणी बसले असेल तर त्याला आपल्या जागेवरून उठवण्याची सोपी पद्धत जाणून घेऊया. त्यामुळे अर्ध्या तासात जागा रिकामी करून आरामात प्रवास करता येईल.

अशा प्रकारे तुमची सीट सहज रिकामी करा

Rail Madad ॲपवर तक्रार करून सीट रिकामी करता येते. ॲपवर तक्रार केल्यानंतर 28 मिनिटांत तोडगा काढला जात असल्याचा रेल्वेचा दावा आहे. यामध्ये इतर तक्रारींसोबतच कन्फर्म सीटवर बसलेल्या दुसऱ्या व्यक्तीबाबतही तक्रार करता येते. त्यानंतर टीटी स्वतः सीटवर पोहोचेल आणि सीट रिकामी करेल, जेणेकरून कन्फर्म तिकीट प्रवाशाला कोणतीही अडचण येऊ नये. रेल्वे सोयीस्कर आणि सुरक्षित प्रवासाला प्राधान्य देत आहे.

सर्व तक्रारींसाठी सिंगल विंडो

रेल्वे मंत्रालयाच्या म्हणण्यानुसार, हेल्पलाइन क्रमांक 139 प्रमाणे, X (ट्विटर), फेसबुक सारख्या तक्रारी आणि सूचनांची सर्व माध्यमे “रेल मदत ” पोर्टल आणि त्याच्या ॲपशी जोडली गेली आहेत. प्रवासी त्यांच्या तक्रारी रेल्वेला “रेल मदत ” पोर्टलद्वारे किंवा मोबाईल, लॅपटॉप किंवा संगणकावर ॲपद्वारे करू शकतात. विहित मुदतीत तोडगा न निघाल्यास तक्रार वरिष्ठ अधिकाऱ्यांपर्यंत पोहोचेल आणि जबाबदारीही निश्चित केली जाईल. तक्रारदाराला तक्रार निवारण माहिती देण्याबरोबरच त्याच्याकडून अभिप्रायही मागवला जात आहे.