सातारा प्रतिनिधी । आधुनिक महाराष्ट्राचे शिल्पकार माजी मुख्यमंत्री स्वर्गीय यशवंतराव चव्हाण आणि पहिले ऑलम्पिक पदक विजेते पैलवान खाशाबा जाधव यांनी ज्या शाळेत शिक्षण घेतले. त्या कराड शिक्षण मंडळाचे २०२०-२०२१ हे शताब्दी वर्ष साजरे केले जाणार असल्याची माहिती कराड शिक्षण मंडळाचे अध्यक्ष बाळासाहेब कुलकर्णी यांनी दिली.
देशाला पहिला ऑलम्पिकवीर आणि राज्याला पहिला सुसंस्कृत मुख्यमंत्री देणाऱ्या या शिक्षण संस्थेच्या शताब्दी वर्षात विविध परिषदा, संमेलन अशा भरगच्च कार्यंक्रमांचे आयोजन करण्यात आले आहे. अशी माहितीही बाळासाहेब कुलकर्णी यांनी दिली.