संतुलित आहार शरीरासाठी का आहे आवश्यक ? चला जाणून घेऊया संतुलित आहाराविषयी

हॅलो महाराष्ट्रा ऑनलाईन । अनेक वेळा आपल्या शरीरात नवीन नवीन समस्या निर्माण होतात. कामाच्या धावपळीमुळे अनेक जणांना योग्य वेळी योग्य आहार घेणे शक्य होत नाही. यामध्ये सर्वात पुढे या महिला असतात. त्याच्या कामाच्या वेळा चुकल्या कि आपोआप जेवणाच्या वेळा चुकतात. त्यामुळे अनेक समस्यांना सामोरे जावे लागते. हृदयविकारास अनेक घटक कारणीभूत असतात. संतुलित आहार राखणे निरोगी हृदययासाठी गरजेचे असते. हृदयविकार आटोक्यात ठेवण्यासाठी तुमच्या जीवनशैलीत तुम्हाला कायमस्वरुपी बदल करावे लागतात.

आहार घेतांना कोणत्याही एका माध्यमाचा आहार घेतला गेला नाही पाहिजे. आहार हा चोफेर असावा. आपल्या शरीराला आवश्यक असणाऱ्या सर्व जीवनसत्वाचा समावेश हा आपल्या आहारात असायला पाहिजे. आहारात स्निग्ध पदार्थांचे प्रमाण जास्त असते, तेव्हा त्यातून अधिक प्रमाणात उष्मांक मिळतो. ते योग्य प्रमाणात वापरले गेले नाहीत तर शरीरात साठविले जातात . त्या काळात फॅट चे प्रमाण वाढते. आणि वजन जास्त दिसते. त्यामुळे चरबी, रक्तदाब वाढतो. त्यातून हृदयविकार असणाऱ्यांना अधिक त्रास होतो. त्यामुळे स्निग्ध पदार्थ टाळणे हा सर्वोत्तम मार्ग आहे. यासाठी योग्य आहार ठेवावा.

काय असावा आहार

दररोज आहारात एकच पदार्थ असले तरी ते सारखे सारखे खाऊ वाटत नाही. भात, पोळी, भाकरी आदी योग्य प्रमाणात असावे. फळे, भाज्या आणि पालेभाज्या भरपूर प्रमाणात घ्याव्यात. तेलकट पदार्थ अतिशय कमी प्रमाणात असावेत. स्निग्ध पदार्थ जर खाण्याचे प्रमाण वाढले तर त्याचा समावेश रक्तात होतो. त्यावेळी रक्तवाहिन्यांच्या त्वचेखाली त्याचे थर साचतात. परिणामी रक्तप्रवाह सुरळीत होण्यास अडथळे निर्माण होऊ शकतात. त्यामुळे रक्तातील कोलेस्टेरॉल कमी करण्यासाठी प्रयत्न करावे. कधी कधी मांसाहार करावा पण त्याचे प्रमाण मात्र कमी ठेवावे .

आठवड्यातून दोन ते तीनवेळा मासे खाल्ले तर चालतात. मासे हे शरीरासाठी सर्वात चांगले आहेत. दूध, दुधाचे पदार्थ याचे सेवन कमी करावे. काही प्रमाणात सुकामेवा घ्यावा. आहारात कडधान्य याचा समावेश केला जावा. शिजविलेल्या पदार्थांपेक्षा उकडलेले, वाफविलेले पदार्थ घ्यावेत. सोयाबीन आणि त्यापासून तयार केलेले पदार्थ खावेत.

ब्रेकिंग बातम्या मोबाईलवर मिळवण्यासाठी आम्हाला 7875002893 या नंबरला whatsapp करा आणि लिहा ‘hello news’

You might also like