नागपूर | राज्यात दूध दरवाढीचे आंदोलन सुरू असतानाच कृषीराज्य मंत्री सदाभाऊ खोत यांनी माध्यमांशी बोलताना आंदोलनाची वास्तवता दाखवण्याचा प्रयत्न केला आहे. ‘लोकसभेची खासदारकी जिंकता यावी यासाठी छेडलेले हे आंदोलन असून या आंदोलनाचा जन्म खुर्चीच्या स्वार्थातून झाला आहे’ असे सदाभाऊ खोत म्हणाले आहेत.
‘मी हयातभर आंदोलन करत आलो आहे. आंदोलनाच्या दुधात पाणी किती आणि दूध किती या गोष्टीत मी तीस वर्षे घालवली आहेत’ असा चिमटा खोत यांनी स्वाभिमानी शेतकरी संघटनेचे नेते राजू शेट्टी यांना काढला आहे. सरकार चर्चेला कायम तयार असून आपण चर्चेला यावे असे आवाहनही खोत यांनी यावेळी केले आहे.
