पीटीआय | प्रतिनिधी
कुटुंबातील बाकी सदस्य असमर्थ ठरत असताना ऑफिसमधील एका सहकाऱ्यानेच किडनी दान करण्याची अनोखी घटना आज कोलकत्त्यात पहायला मिळाली. पीडित तरुणी ही झारखंडची रहिवासी असून किडनीच्या गंभीर आजाराने ती त्रस्त होती. बंगलोरमधील आयटी कंपनीत हे दोघेही कार्यरत आहेत. फॉरटीस हॉस्पिटल आणि कॅन्सर इन्स्टिट्यूटमध्ये ही शस्त्रक्रिया पार पडली असून दोघेही सध्या सुखरुप असल्याचं डॉक्टरांनी सांगितलं आहे.
