परळी | मराठा आरक्षणाच्या मागणीसाठी परळीत ठिय्या आंदोलन सुरू आहे. आंदोलनाचा आज चौथा दिवस आहे.तीन दिवस शांत असणारे आंदोलक आज तीव्र पवित्र्यात बघायला मिळाले. हिंगोली शहरात एसटी बस फोडण्यात आल्या तसेच बीड सोलापूर शहरात एसटी बसला लक्ष करण्यात आले. सोलापूर जिल्ह्यातील बार्शीत ही आंदोलक तीव्र झाले होते. बार्शी मध्ये बसला आग लावण्याचा प्रकार घडला.
मराठा आरक्षणाचा मुद्दा न्यायालयीन कचाट्याय अडकला असून आरक्षणाचा मुद्दा सोडवण्यासाठी न्यायालयाने तो मुद्दा राज्य मागासवर्गीय आयोगाकडे सोपवला आहे. आरक्षणाचा प्रश्न सोडवण्याच्या दृष्टीने सरकार उदासीन असल्याचे मराठा समाजाच्या वतीने बोलले जात आहे.
परळी मधील ठिय्या दिलेल्या आंदोलकांनी मुख्यमंत्र्यांकडून लेखी आश्वासनाची मागणी केली केली आहे. आज परळी सहित औरंगाबाद, लातूर, नवी मुंबई शहरात ही ठिय्या देण्यात आला आहे.आंदोलन दिवसेंदिवस उग्र होत जाण्याची शक्यता आहे. सरकारने यात जातीने लक्ष घालण्याची आवश्यकता आहे.
