श्रीनगर : बुरान वाणीच्या हत्येच्या वर्षस्फुर्तीच्या निमित्त हिजबुल मुजाहिद्दीन या दहशतवादी संघटनेने २० युवकांच्या भरतीचे फोटो समाज माध्यमात पोस्ट केले आहेत. हे वीस युवक नव्याने म्हणजे मे महिन्यात हिजबुल मुजाहिद्दीन मध्ये दाखल झाले असल्याचा दावा संघटनेने केला आहे.
पूर्वेकडील एका राज्यात आय.पी.एस. म्हणून दायित्व निभावणाऱ्या एका अधिकाऱ्याचा छोटा भाऊ या संघटनेत सामील झाल्याचे धक्कादायक प्रकार यातून समोर आला आहे. शम्स उल हक असे त्या युवकाचे नाव आहे. तो दोन महिन्या पासून गायब आहे. तो ज्यावेळी गायब झाला त्यावेळी भारतीय सेना दहशतवाद्यांच्या विरोधात कारवाई करत होती.
शम्स उल हक हा श्रीनगर जवळील हैदरपुरा मध्ये फार्मसी चे शिक्षण घेत होता. त्याच्या अचानक गायब होण्याने परिसरात घबराट होती. आता अशी बातमी येऊन धडकल्याने सगळेच आवक झाले आहेत.
