टीम, HELLO महाराष्ट्र | महत्त्वाकांक्षी चांद्रमोहिमेवर निघालेलं भारताचे ‘चांद्रयान-२’ वेगाने चंद्राच्या दिशेने मार्गक्रमण करत असून आता चंद्राच्या पृष्ठभागापासून ४ हजार ३७५ किलोमीटर अंतरावरून चांद्रयानाने चंद्राचे फोटो टिपले आहेत. या फोटोमध्ये चंद्रावरील विविध विवरं स्पष्टपणे दिसत आहेत.
२३ ऑगस्ट रोजी हे फोटो टिपण्यात आले आहेत. चद्रयानाने टिपलेल्या ताज्या फोटोंमध्ये जॅक्सन, माच, मित्रा आणि कोरोलेव्ह ही विवरं दिसत आहेत. यातील मित्रा या विवराचं नाव प्राध्यापक शिशीरकुमार मित्रा यांच्या नावावरून ठेवण्यात आलं होतं.
जॅक्सन या विवराचा झूम करून काढलेला फोटोही प्रसिद्ध करण्यात आला असून या विवराचा व्यास ७१.३ किलोमीटर इतका असल्याचा उल्लेख करण्यात आला आहे. चांद्रयानाने २१ ऑगस्ट रोजी सर्वप्रथम चंद्राचा फोटो टिपला होता.या फोटोत अपोलो विवर दर्शविण्यात आले होते. त्याआधी ४ ऑगस्ट रोजी चांद्रयानाने पृथ्वीचा मनमोहक फोटो पाठवला होता.चंद्रयान २ हे भारतासाठी खूप महत्वाचा प्रकल्प असून तो भारताने यशस्वी करून दाखवला आहे. आंतराष्ट्रीय स्तरावरून इस्रोचे अभिनंदन करण्यात येत आहे.
