मुंबई | सैराटचा रिमेक असलेल्या धडक चित्रपटाने पहिल्या दिवशी दमदार कामगिरी करत ८ कोटी ७० हजार रुपयांची कमाई केली आहे. शशांक खेतान यांच्या दिग्दर्शनाने या चित्रपटाला चांगला आकार दिला असल्याचे बोलले जाते आहे. जानवी कपूरचा हा पहिला चित्रपट आहे. या चित्रपटाने आलीया भटच्या पहिल्या चित्रपटाचे रेकॉर्ड मोडले आहे. आलिया भट यांच्या टू स्टेट या चित्रपटाने ८ कोटींची कमाई केली होती. परंतु धडकने टू स्टेट ला ७५ लाखांनी पिछाडीवर टाकले आहे. धडक चित्रपट प्रदर्शित होण्या अगोदर हा अंदाज लावला जात होता की हा चित्रपट पहिल्या दिवशी ७ ते १० कोटींच्या दरम्यान कमाई करेल. हा अंदाज खरा ठरताना दिसत आहे. टू स्टेट चित्रपट करण जोहरने दिग्दर्शित केला होता तर धडक हा चित्रपट करण जोहरच्या चित्रपट कंपनीत तयार करण्यात आला आहे.
शुक्रवारी लोकसभेत मोदी सरकारवर अविश्वास ठराव मांडल्याने चित्रपटाची कमाई कमी झाल्याचे सिनेजगतात बोलले जाते आहे. रविवारी हा चित्रपट मोठी कमाई करेल असे बोलले जाते आहे.
जानवी कपूरने पहिल्याच दिवशी मोडले आलिया भटचे रेकॉर्ड
