पटना : इयत्ता नववीमधे शिकणार्या विद्यार्थीनीवर शाळेच्या मुख्याध्यापक आणि शिक्षकांनीच बलात्कार केला असल्याचा धक्कादायक प्रकार बिहार मधे घडला असल्याचे समोर आले आहे. सारान जिल्ह्यातील एका खाजगी शाळेमधे हा प्रकार घडला आहे. हाती आलेल्या माहितीनुसार शाळेचे मुख्याध्यापक, काही शिक्षक आणि विद्यार्थी अशा एकूण १८ जणांनी शाळेतील विद्यार्थीनीवर बलात्कार केला असल्याचे समजत आहे. हा प्रकार मागील ७ महिण्यांपासून होत असल्याचा आरोप त्या विद्यार्थीनीने केला आहे. शाळेतील मुख्याध्यापक आणि शिक्षकांवरच बलात्काराचा आरोप होत असल्याने पालकांमधे संतापजनक वातावरण आहे. बिहार पोलीसांनी सदरील शाळेचे मुख्याध्यापक, एक शिक्षक आणि दोन विद्यार्थी यांना बलात्कार प्रकरणी अटक केली आहे.
