पेशावर : पेशावरच्या याकातूत भागात आवमी नॅशनल पार्टीचे नेते हारुन बिलौर यांची भर सभेत हत्या करण्यात आली आहे. अज्ञात अतिरेक्यांनी भर सभेत स्फोट घडवून हारुन बिलौर यांची हत्या केली आहे. बिलौर पाकिस्तानातील आवमी नॅशनल पार्टीचे मुख्य नेते होते. पक्षाच्या सभेसाठी ते पेशावरला गेले असता अतिरेक्यांनी त्यांना ठार केले आहे.
हाती आलेल्या माहितीनुसार, मध्यरात्री पेशावर येथे पक्षाची बैठक आयोजीत करण्यात आली होती. बैठकीचे रूपांतर छोटेखानी सभेत झाले. साधारण ३०० लोक सभेला आले होते. सभा सुरु असताना अचानक मोठा आवाज झाला आणि सर्वत्र पळापळ सुरू झाली. दरम्यान पक्षाचे नेते हारून बिल्लौर यांना कोणीतरी खाली कोसळताना पाहिले. अतिरेक्यांनी भर सभेत स्फोट घडवून बिलौर यांची हत्या केली. त्यानंतर बिल्लौर यांना तातडीने लेडी रीडिंग रुग्णालयात दाखल करण्यात आले. परंतू रुग्नालयात डाॅक्टरांनी बिल्लौर यांचा मृत्यु झाला असल्याचे घोषीत केले.
पाकिस्तानात सध्या सार्वत्रिक निवडणुका सुरू आहेत. त्यात हारून बिल्लौर यांची ‘आवम नॅशनल पार्टी’ ही मुख्य तीन राष्ट्रीय पार्ट्यापैकी एक आहे. निवडणुकीच्या या घोडदौडीत हारून बिल्लौर हे पेशावरला आले होते पण तेथेच त्यांचा दुर्दैवी अंत झाला. त्यांच्या सह हल्ल्यात अन्य १४ लोक मारले गेले आहेत. तसेच ६५ लोक गंभीर जखमी झाले आहेत.
हारून बिल्लौर यांचे वडील बशीर अहमद बिल्लौर हे सुध्दा आवमी नॅशनल पार्टीचे राष्ट्रीय नेते होते. त्यांचा ही तालिबान दहशतवादी संघटनेने असाच भर सभेवर हल्ला करून खून केला होता. बाप आणि मुलाला एकसारखेच मरण आले ही दुर्दैवी दुर्मिळ घटना आहे.
