शिर्डी | सध्या सोशल मिडियावर साई बाबांचा एक व्हिडिओ चांगलाच व्हायरल झाला आहे. त्या व्हिडिओत साई बाबा भिंतीतून प्रकट झाल्याचे दिसत आहे. ‘मी भक्तांचे रक्षण करण्यासाठी परत आलो आहे’ अशी कबुली सदर व्हिडिओत साईबाबांनी दिली आहे. सदर व्हिडीओ साईबाबांच्या व्दारकामाईतील समाधी गाभाऱ्यातील आहे. व्हिडीओ बघितल्यावर तो अत्यंत वास्तववादी असल्याचे दिसून येते आहे.
सदर घटना ज्यावेळी घडली त्यावेळी उपस्थित व्यक्तीने त्याचा व्हिडीओ शूट केला आणि तो सोशल मीडियात पोस्ट केला. काही वेळातच व्हिडिओ मोठ्या प्रमाणावर व्हायरल झाला. मात्र आता या व्हिडिओमागील सत्य शिर्डीतील साईबाबा मंदिर समितीने समोर आणले आहे. “तो व्हिडिओ एक अफवा असून तो ट्रोल व्हिडीओ असल्याचे समितीने म्हटले आहे.
साईबाबांनी त्यांच्या जीवणकाळात अंधश्रद्धे वर कायम टीका केली होती. त्यांच्या बद्दल असा व्हिडीओ प्रसारित होणे ही एक प्रकारे अंधश्रद्धाच आह. अशा अफवांवर विश्वास न ठेवण्याचे आवाहन साई बाबा मंदिर समितीच्या अध्यक्षांनी केले आहे.