नवी मुंबई | २५ जुलै रोजी नवी मुंबईत मराठा आरक्षणासाठी बंद पाळण्यात आला होता. यावेळी आंदोलनाला हिंसक वळण लागून आंदोलकांनी दगडफेक केली होती. कोपरखैरना या ठिकाणी जमावाने केलेल्या दगडफेकीमधे रोहन तोडकर नवाचा युवक गंभीर जखमी झाला होता. उपचारासाठी त्याला तातडीने जे जे रुग्णालयात दाखल करण्यात आले होते. परंतु आज उपचारा दरम्यान त्याचा दुर्दैवी मृत्यू झाला.
मराठा आरक्षणासाठी गेलेला हा तिसरा बळी आहे. सरकार ने मृताच्या कुटूंबियांना आर्थिक मदत दिल्या शिवाय रोहनवर अंत्यसंस्कार न करण्याची भूमिका स्थानिकांनी घेतली आहे. रोहन तोडकर हा अवघ्या २१ वर्षाचा युवक आहे. जेजे रुग्णालयात उपचारा दरम्यान आज पहाटे त्याची प्राण ज्योत मालवली आहे.
मराठा आरक्षणाचा आणखी एक बळी
