मार्वलचे चित्रपट भारतात इतके लोकप्रिय आहेत हे मला माहित नव्हते : अभिनेता ख्रिस हेम्सवर्थ

हॅलो महाराष्ट्र ऑनलाईन । अभिनेता ख्रिस हेम्सवर्थने ‘नेटफिल्क्सच्या आगामी ‘एक्सट्रॅक्शन’ या चित्रपटाच्या चित्रीकरणासाठी भारतात शुटिंग केली होती. यावेळी त्याने अनुभवलेली सकारात्मकता व उत्साहामुळे तो थक्क झाला होता. नेटफ्लिक्सच्या या चित्रपटाच्या प्रदर्शनापूर्वी एका विशेष व्हिडिओ कॉलद्वारे हेम्सवर्थनची आयएएनएसने मुलाखत घेतली.तो म्हणाला की, “मला भारतात शूटिंग करणे आवडले. इथले लोक विलक्षण आहेत. येथे मार्वल चित्रपट इतके लोकप्रिय होते याची मला कल्पना नव्हती. होय, हा अनुभव हृदयस्पर्शी आहे. “

तो आपल्या अनुभवाबद्दल पुढे म्हणाला, “आमच्या कर्मचाऱ्यांसह प्रत्येकाने खूप उत्साह आणि सकारात्मकता पाहिली.शूटिंगच्या दरम्यान हजारो लोक रस्त्यावर, पुलांच्या शिखरावर, इमारतींमध्ये आणि प्रत्येक ठिकाणी जमले.त्यानंतर त्यांनी आमचे खूपच कौतुक केले. मला असा अनुभव यापूर्वी कधीच आला नव्हता.मला भारत आणि येथील लोकांच्या अशा अद्भुत आठवणी मिळालेल्या आहेत. “

२०१८ मध्ये या चित्रपटाचे चित्रीकरण नेटफ्लिक्ससाठी भारतात केले गेले होते.अहमदाबाद आणि मुंबई येथे सीन शूट केले गेले.१६ मार्च रोजी तो मुंबईतील त्यांच्या चित्रपटाच्या प्रमोशनल कार्यक्रमात सहभागी होणार होता, पण कोरोनाव्हायरस या जागतिक साथीच्या निमित्ताने हा कार्यक्रम रद्द करण्यात आला.

ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News’.