मुंबई : मुंबईचा पाऊस थांबण्याचे नाव घेत नाही. अशातच लोकांच्या घरात पाणी शिरले आहे. लोकांना दूध आणि भाजीपाला मिळणे मुश्किल झाले आहे. त्यामुळे मुंबईकरांना प्रचंड समस्यांना तोंड द्यावे लागत आहे. अनेक ठिकाणी विद्युत पुरवठा खंडित झाला आहे. रस्त्यांवर ठिकठिकानी पाणीची डबकी साचली आहेत. अशातच डोंबिवलीमधे दोन युवक वाहून गेले असल्याचा धक्कादायक प्रकार घडला आहे. हर्षद जीनकर हा २४ वर्षीय युवक नाल्यात पडला आणि त्याला वाचवण्यासाठी मित्र नाल्यात उतरला असता दोघेही वाहून गेल्याची घटना काल डोंबीवलीत घडली आहे. अग्निशमन दलाचे जवान ह्या दोघांचा शोध घेत आहेत. तसेच आपत्ती व्यवस्थापन दलाचे जवानही घटनास्थळी दाखल होण्याची शक्यता आहे.
