अहमदनगर | छत्रपती शिवाजी महाराजांच्या बद्दल अवमान जनक वक्तव्य करणारा अहमदनगर महानगरपालिकेचा उपमहापौर श्रीपाद छिंदम आज महानगरपालिकेच्या सर्वसाधारण सभेत आला होता. सभागृतात छिंदम येताच त्याच्या विरोधात सभागृतात जोरदार घोषणाबाजी झाली आणि त्यानंतर गदारोळ माजल्याने सभा तहकूब करण्यात आली.
छिंदम महानगरपालिकेत येणार म्हणून पालिकेच्या आवारात तगडा बंदोबस्त ठेवण्यात आला होता. श्रीपाल छिंदम याने १६ फेब्रुवारी २०१८ रोजी पालिका कर्मचारी अशोक बिडवे यांना फोनवरून शिवरायांच्या बद्दल अवमानकार वक्तव्य केले होते. यानंतर राज्यभर संतापाची लाट उसळली होती. त्यानंतर छिंदम याला अटक करण्यात आली होती आणि ९ मार्च रोजी त्याला न्यायालयाने जामीन दिला होता. त्यानंतर श्रीपाल छिंदम आजच सभागृहात उपस्थित राहिला होता.
