पुणे : हॅलो महाराष्ट्र – आजकाल पुण्यामध्ये गुन्हेगारीच्या प्रकरणांमध्ये मोठ्या प्रमाणात वाढ होत आहे. काही दिवसांपूर्वीच एका नराधमाने एकतर्फी प्रेमातून वडगाव शेरी परिसरातील एका शाळेत शिरून एका दहावीत शिकणाऱ्या विद्यार्थिनीची हत्या केली होती. शाळेत हा धक्कादायक प्रकार घडल्यानं संपूर्ण पुणे जिल्ह्यात खळबळ माजली होती. ही घटना ताजी असताना आता, आता पुण्यातील एका गर्ल हायस्कूलमध्ये 11 वर्षीय अल्पवयीन मुलीवर लैंगिक अत्याचार केल्याची घटना समोर आली आहे.
काय आहे प्रकरण ?
एका 40 वर्षीय अज्ञात व्यक्तीनं पीडित मुलीला बळजबरीनं शौचालयात घेऊन जात तिच्यावर लैंगिक अत्याचार केले आहेत. तसेच घटनेची वाच्यता न करण्याची धमकीसुद्धा या नराधम आरोपीने पीडित मुलीला दिली. मात्र पीडित मुलीने आपल्यासोबत घडलेला सर्व प्रकार आपल्या आईला सांगितला. त्यानंतर हि संतापजाक घटना उघडकीस आली. या प्रकरणी 40 वर्षीय अनोळखी नराधमाविरोधात शिवाजीनगर पोलीस ठाण्यात गुन्हा दाखल करण्यात आला आहे.
पीडित 11 वर्षीय मुलगी पुण्यातील शिवाजीनगर परिसरात असणाऱ्या एका गर्ल हायस्कूलमध्ये शिकते. घटनेच्या दिवशी बुधवारी दुपारी ती नेहमी प्रमाणे शाळेत गेली होती. दरम्यान सकाळी अकराच्या सुमारास एका 40 वर्षीय अज्ञात व्यक्तीने तिला बोलावले त्यानंतर तिची फसवणूक करत तिला शाळेच्या बाथरुममध्ये नेले. यानंतर या नराधम आरोपीने त्या मुलीचा गैरफायदा घेत तिच्यावर लैंगिक अत्याचार केले. हा आरोपी एवढ्यावरच थांबला नाहीतर त्याने घडलेला प्रकार कुणालाही सांगितला, तर तुला बघतो, अशी धमकीसुद्धा या मुलीला दिली. यानंतर पीडित मुलीच्या तक्रारीवरून पोलिसांनी अज्ञात आरोपीविरोधात बाल लैंगिक अत्याचार प्रतिबंधक कायद्यासह अन्य कलमाअंतर्गत गुन्हा दाखल केला. पोलीस या घटनेचा पुढील तपास करत आहेत. या घटनेमुळे आपल्या मुलांविषयी पालकांमध्ये भीतीचे वातावरण निर्माण झाले आहे.