पिंपरी : हॅलो महाराष्ट्र – पुण्यातील पिंपरीमध्ये एक धक्कादायक घटना घडली आहे. यामध्ये एका 19 वर्षीय तरुणीवर तिघांनी सामूहिक अत्याचार केले आहेत. या आरोपी तरुणांनी पीडित तरुणीला आपल्या फ्लॅटवर बोलावून तिच्यावर जबरदस्तीने अत्याचार केला आहे. या नराधम आरोपींनी यादरम्यान पीडितेचे विवस्त्र फोटो देखील आपल्या मोबाईलमध्ये काढले. यानंतर हे फोटो व्हायरल करण्याची धमकी देत आरोपीच्या मित्रांनी देखील तरुणीवर सामूहिक अत्याचार केला आहे. हि घटना उघडकीस आल्यानंतर पीडित तरुणीने पुण्यातील सहकारनगर पोलीस ठाण्यात तक्रार दाखल केली.
या प्रकरणी पोलिसांनी पीडित तरुणीचा मित्र प्रथमेश उर्फ सनी खैरे याच्यासह स्वराज कदम आणि अन्य एका अनोळखी तरुणाविरोधात गुन्हा दाखल केला आहे. आरोपी प्रथमेश हा पीडित तरुणीचा चांगला मित्र आहे. 15 डिसेंबर रोजी आरोपी प्रथमेश यानं पीडित तरुणीला आपल्या घरी बोलावलं होतं. यादरम्यान संधी साधून आरोपी प्रथमेश याने पीडितेशी जबरदस्ती करत तिच्याशी शारीरिक संबंध प्रस्थापित केले. यावेळी आरोपीने आपल्या मोबाईलमध्ये पीडितेचे नग्नावस्थेतील फोटो काढले. या प्रकारानंतर प्रथमेशचा मित्र स्वराज कदम यानेही पीडितेवर बलात्कार केला.
या प्रकारानंतर पीडित तरुणी आपल्या घरी जात असताना, आरोपी प्रथमेश याने पीडितेला अश्लील फोटो व्हायरल करण्याची धमकी देत तिला पुन्हा फ्लॅटवर बोलावलं. या ठिकाणी प्रथमेशच्या दोन मित्रांनी पुन्हा पीडितेवर सामूहिक बलात्कार केला. यानंतर पीडित तरुणीने पुण्यातील सहकारनगर पोलीस ठाण्यात जाऊन आरोपी प्रथमेशसह त्याच्या दोन मित्रांविरोधात सामूहिक बलात्काराची तक्रार दाखल केली. पोलीस या घटनेचा पुढील तपास करत आहेत.