नवी दिल्ली । कोरोना काळात नोकरी गेल्यानंतर अनेक लोकांनी स्वत: चा व्यवसाय सुरु केला. परंतु अशीही अनेक लोकं आहेत जे पैशाअभावी किंवा काय करावे याची कल्पना नसल्यामुळे व्यवसायाबद्दल केवळ विचारच करत बसतात. तर आता काळजी करू नका, आज आम्ही तुम्हाला अशा व्यवसायाबद्दल सांगणार आहोत ज्याची मागणी कधीही कमी होत नाही. हा व्यवसाय कधीही नफाच मिळवून देतो. बाजारात मशरूमची मागणी कधीच कमी होत नाही कारण त्यामध्ये असलेले पौष्टिक घटक तसेच फायबरचेही प्रमाण चांगले आहे. हे आरोग्यासाठी देखील चांगले आहे, कारण त्यात जास्त कॅलरीज नसतात. मशरूममध्ये अनेक महत्त्वाची खनिजे आणि जीवनसत्त्वे आढळतात. यामध्ये व्हिटॅमिन बी, डी, पोटॅशियम, तांबे, लोह आणि सेलेनियमचा समावेश आहे.
बाजारात त्याची किरकोळ किंमत 300 ते 350 रुपये प्रति किलो आहे आणि घाऊक दर यापेक्षा 40 टक्के कमी आहे. त्यास मोठ्या प्रमाणात मागणी असल्याने अनेक शेतकऱ्यांनी पारंपारिक शेती सोडून मशरूमची लागवड करण्यास सुरवात केली आहे. चला तर मग मशरूम लागवडीबद्दल सर्व काही जाणून घेऊयात …
50 हजार गुंतवून 2.50 लाखांची कमाई
बटन मशरूमच्या लागवडीसाठी कंपोस्ट तयार केले जाते. एक क्विंटल कंपोस्ट 1.5 किलो बियाणे घेते. 4 ते 5 क्विंटल कंपोस्ट बनवल्यानंतर सुमारे 2 हजार किलो मशरूमची पैदास होते. आता जर 2 हजार किलो मशरूम किमान किलो 150 रुपयांना विकले गेले तर तुम्हाला जवळपास 3 लाख रुपये मिळतील. आपण खर्च म्हणून 50 हजार रुपये जरी काढले तरी 2.50 लाख रुपये शिल्लक राहतील. तसे पाहायला गेले याच्या लागवडीसाठी 50 हजार रुपयांपेक्षा कमी पैसे लागतात.
मशरूम लागवडीचे प्रशिक्षण घ्या
सर्व कृषी विद्यापीठे व कृषी संशोधन केंद्रांमध्ये मशरूम लागवडीचे प्रशिक्षण दिले जाते. जर आपण मोठ्या प्रमाणात शेती करण्याची योजना आखत असाल तर एकदा त्यासाठी योग्यप्रकारे प्रशिक्षण घेणे केव्हाही चांगलेच होईल. जर आपण त्यासाथीच्या = जागेबद्दल बोललो तर प्रत्येक चौरस मीटरमध्ये 10 किलो मशरूम आरामात वाढू शकतील. कमीतकमी 40×30 फूट जागेत तीन-तीन फूट रुंदिचा रॅक बनवून मशरूम वाढू शकतात.
कंपोस्ट कसे तयार करावे ?
कंपोस्ट तयार करण्यासाठी, भाताचा पेंढा भिजवावा लागेल आणि एक दिवसानंतर त्यात डीएपी, युरिया, पोटॅश, गव्हाचा कोंडा, जिप्सम आणि कार्बोफूडोरन मिसळून त्याला सडण्यास सोडले जाईल. जवळपास दीड महिन्यांनंतर कंपोस्ट तयार होते. आता त्यात शेण आणि दीड इंच जाड समान मातीचा थर घालून त्यावर कंपोस्टची दोन ते तीन इंच जाड थर बसविला जाईल. ओलावा टिकवून ठेवण्यासाठी, मशरूममध्ये दिवसातून दोन ते तीन वेळा फवारणी केली जाते. त्याच्या वर कंपोस्टचा एक थर जोडला जाईल आणि अशा प्रकारे मशरूमचे उत्पादन सुरू होते.
ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News”.