मुंबई । 2021 हे वर्ष बिझनेस डील्सच्या बाबतीतही आघाडी वर आहे. गेल्या वर्षी व्हॅल्यू आणि व्हॉल्युम या दोन्ही बाबतीत विक्रमी बिझनेस डील्स झाले. या दरम्यान, एकूण 115 अब्ज अमेरिकन डॉलर किंमतीच्या 2,224 हून जास्त डील्स झाल्या. 2020 च्या तुलनेत २०२१ मध्ये 37 अब्ज डॉलर्स आणि 867 डील्स जास्त झाल्या .
ग्रँट थॉर्नटनच्या आकडेवारीनुसार, अहवाल कालावधीत 499 विलीनीकरण आणि अधिग्रहण (M&A) डील्स झाल्या. त्यांची एकूण रक्कम 42.9 अब्ज डॉलर्स होती. याव्यतिरिक्त, 48.2 अब्ज डॉलर्स किमतीचे 1,624 खाजगी इक्विटी डील्स होत्या. 23.9 अब्ज अमेरिकन डॉलर्स किमतीचे 101 IPO आणि QIP (पात्र संस्थात्मक प्लेसमेंट) होते. एकट्या IPO मधून विक्रमी 17.7 बिलियन डॉलर्स जमा झाले.
मोठ्या डील्सचे प्रमाण जास्त
गेल्या वर्षी, मोठ्या डील्सच्या बाबतीतही एक नवीन विक्रम प्रस्थापित झाला आणि प्रत्येकी एक अब्ज डॉलर्सपेक्षा जास्त किमतीच्या 14 डील्स होत्या. 15 डील्स 50 कोटी डॉलर्स ते 99.9 कोटी डॉलर्स दरम्यान होते. याशिवाय 135 डील्स 10 कोटी डॉलर्स ते 49.9 कोटी डॉलर्स दरम्यान होते.
या रिपोर्टमधये असे म्हटले गेले आहे की, मोठ्या डील्स केवळ आठ टक्के होते, मात्र त्यांच्याकडून 80 टक्के रक्कम मिळाली. एकूण डील्सपैकी 76 टक्के देशांतर्गत आणि बाकीचे विदेशी डील्स होते.
स्टार्टअप्स आघाडीवर
त्यापैकी 66 टक्के फंड स्टार्टअप्सकडे गेला. त्यानंतर एकूण 32 टक्के ई-कॉमर्सचा क्रमांक लागला. रिटेल आणि ग्राहक, शिक्षण आणि फार्मा खेळाडू सर्वाधिक ऍक्टिव्ह होते. IPO आणि QIP चा विचार केला तर, 2021 मध्ये 6.2 अब्ज अमेरिकन डॉलर किमतीचे 36 QIP होते. 2011 पासून अशा प्रकारे फंड उभारणारे हे तिसरे सर्वात मोठे माध्यम बनले आहे.
स्टार्टअप्स, ई-कॉमर्स आणि आयटी कंपन्या 2021 मध्ये IPO आणि पैसे गोळा करण्याच्या बाबतीत प्रमुख डील चालक होते. या वर्षी 33 युनिकॉर्नची वाढ देखील झाली.