लंडन । ब्रिटनचे (Britain) आरोग्यमंत्री मॅट हॅनकॉकचे (Matt Hancock) खासगी फोटो आणि व्हिडिओ सार्वजनिक झाल्यानंतर त्यांचा त्रास इतका वाढला की, त्यांना आपल्या पदाचा राजीनामा द्यावा लागला. आता हॅनकॉकविरूद्ध देशभरात निदर्शने सुरू झाली आहेत. सुमारे 30 हजार लोकं रस्त्यावर उतरले आहेत. विरोधकांचे म्हणणे आहे की,”हॅनकॉकने देशाचा विश्वासघात केला आहे. त्यामुळे त्यांना अटक केली पाहिजे.” आतापर्यंत 10 हून अधिक निदर्शकांना अटक करण्यात आली आहे.
वास्तविक, एक सीसीटीव्ही फुटेज सोशल मीडियावर व्हायरल झाले आहे. यात मॅट हॅनकॉक आपल्या महिला सहकारीला किस करताना दिसून येत आहेत. या व्हिडिओद्वारे हॅनकॉकवर कोरोना नियमांचे उल्लंघन केल्याचा आरोप लावला गेला. दबाव वाढला म्हणून हॅनकॉक यांना राजीनामा द्यावा लागला.
हॅनकॉक यांना तीन मुले आहेत
त्याच वेळी पंतप्रधान बोरिस जॉनसन यांना पाठविलेल्या राजीनाम्यात हॅनकॉकने लिहिले – “साथीच्या रोगामध्ये लोकांनी बलिदान दिले, जर आपण त्यांच्याशी काही चूक केली तर प्रामाणिक राहण्याची जबाबदारी आपली आहे.” 42 वर्षीय हॅनकॉक यांच्या लग्नाला 15 वर्ष झाले होते. त्यांना आपली पत्नी मार्थासमवेत तीन मुले आहेत.
बोरिस जॉनसन म्हणाले,”आपले योगदान संपलेले नाही”
ब्रिटनचे पंतप्रधान बोरिस जॉनसन यांनी हॅनकॉक यांचा राजीनामा स्वीकारला आहे. यासह त्यांनी हॅनकॉक यांना पत्राला उत्तरही लिहिले. जॉन्सन यांनी लिहिले की- “तुमच्या सेवेबद्दल तुम्हाला अत्यंत अभिमान वाटला पाहिजे. आपल्या समर्थनाबद्दल मी कृतज्ञ आहे. माझा विश्वास आहे की, सार्वजनिक सेवेतील आपले योगदान संपलेले नाही.”
फोटो कसे लीक झाले ?
ब्रिटीश वृत्तपत्र ‘द सन’ ने मॅट हॅनकॉक आणि त्यांची सहकारी गीना कोलाडोजेलो यांचे फोटोज प्रकाशित केली. हॅनकॉक गीनाला आपल्या ऑफिसमध्ये मिठी मारत होते. हे फोटोज समोर आल्यानंतर हॅनकॉकने स्पष्टीकरण देत आपल्या चुकीबद्दल दिलगिरी व्यक्त केली होती. त्यावेळी हे प्रकरण थंडावल्यासारखे वाटत होते, परंतु हॅनकॉक यांना पदावरून हटविण्याची मोहीम सोशल मीडियावर सुरू झाली. यानंतर हॅनकॉक यांना आपल्या पदाचा राजीनामा द्यावा लागला.
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा