सातारा प्रतिनिधी | शुभम बोडकेे
सातारा जिल्ह्यात सोमवारी रात्री 12 वाजता आलेल्या रिपोर्टमध्ये 835 नवे कोरोना पाॅझिटीव्ह आले आहेत. तर काल दिवसभरात 1 हजार 246 जण कोरोनामुक्त होवून घरी सोडण्यात आल्याची माहीती जिल्हा शल्यचिकित्सक डाॅ. सुभाष चव्हाण यांनी दिली. रात्री आलेल्या रिपोर्टमध्ये 11 हजार 987 चाचण्या तपासण्यात आल्यानंतर त्यामध्ये पाॅझिटीव्ह रेट 6.97 टक्के इतका आहे.
जिल्ह्यात उपचार्थ असलेल्या कोरोनाबाधितांची 10 हजार 77 झाली आहे. जिल्ह्यात आजपर्यंत एकूण कोरोनाबधितांची संख्या 2 लाख 4 हजार 623 इतकी झाली आहे. तर जिल्ह्यात एकूण 1 लाख 90 हजार 477 बरे झालेली रुग्णसंख्या आहे. तर कालपर्यंत 4 हजार 917 बाधितांचा मृत्यू झाला आहे. रविवारी दिवसभरात 11 कोरोना बाधितांचा दुर्देवी मृत्यू झाला आहे.
कराड तालुका आघाडीवर
गेल्या 24 तासात रिपोर्टमध्ये पॉझिटिव्ह रेट कमी आला आहे. कराड तालुक्यात त्याचे प्रमाण जिल्ह्यात सर्वात जास्त असल्याचे गेल्या आठवडाभरात दिसून आले आहे. कराड तालुक्यात वाढणाऱ्या बाधितांमुळे प्रशासनाची डोकेदुखी वाढलेली पाहायला मिळत आहे. काल आलेल्या रिपोर्टमध्येही बाधित तसेच मृत्यूच्या आकडेवारीत कराड तालुकाच आघाडीवर होता.