नोकरी शोधणार्‍यांसाठी सुवर्णसंधी !! ‘या’ क्षेत्रात सरकारकडून करोडो नोकऱ्या उपलब्ध होणार

नवी दिल्ली । नोकरी शोधणाऱ्यांसाठी एक चांगली बातमी आहे. सरकार यावर्षी कोट्यवधी नोकऱ्या देणार आहे. वास्तविक, टेलिकॉम पॉलिसीनुसार, या वर्षाच्या अखेरीस देशभरात 1 कोटी सार्वजनिक वाय-फाय हॉटस्पॉट (Public WiFi Hotspot) इन्स्टॉल केले जाणार आहेत. त्यानंतर देशात दोन ते तीन कोटी रोजगाराच्या संधी निर्माण होण्याची शक्यता आहे.

टेलिकॉम सचिव के. राजारामन यांनी सांगितले की,” डिजिटायझेशनला प्रोत्साहन देण्यासाठी आणि लोकांचा इंटरनेटचा वापर वाढवण्यासाठी या वर्षी 1 कोटी सार्वजनिक वाय-फाय हॉटस्पॉट इन्स्टॉल केले जाणार आहेत. ते म्हणाले की,”वाय-फाय उपकरण उत्पादकांनी पंतप्रधान वाय-फाय अ‍ॅक्सिस नेटवर्क इंटरफेस (पीएम-वाणी) योजनेचा विस्तार करण्यासाठी वायफाय उपकरणांच्या किंमती कमी करण्यावर लक्ष केंद्रित केले पाहिजे.”

ग्रामीण अर्थव्यवस्थेला बळ मिळेल
राजारामन पुढे म्हणाले की,” प्रत्येक हॉटस्पॉटने दोन-तीन प्रत्यक्ष आणि अप्रत्यक्ष रोजगार निर्माण करणे अपेक्षित आहे. असे झाल्यास, 2022 पर्यंत राष्ट्रीय डिजिटल कम्युनिकेशन पॉलिसीच्या लक्ष्यानुसार, 1 कोटी हॉटस्पॉट्सच्या निर्मितीमुळे सूक्ष्म आणि मध्यम क्षेत्रात दोन ते तीन कोटी रोजगार निर्माण होतील. सार्वजनिक वाय-फाय हॉटस्पॉट योजनेत ग्रामीण अर्थव्यवस्थेला चालना देण्याची मोठी क्षमता आहे. लाखो लहान स्थानिक आणि ग्रामीण उद्योजकांना रोजगाराच्या संधी उपलब्ध करून देण्याचे ते एक साधन बनू शकते.”

56000 वाय-फाय स्पॉट्स बसवण्यात आले आहेत
पीएम-वाणी योजनेअंतर्गत आत्तापर्यंत देशभरात 56000 हून जास्त वाय-फाय हॉटस्पॉट इन्स्टॉल करण्यात आले आहेत. राजारामन म्हणाले की,” उत्पादकांनी पीएम-वाणी कार्यक्रमात मोठ्या संख्येने सामील व्हावे. या प्रसंगी, BIF ने META (पूर्वीचे Facebook) सह भागीदारीमध्ये BIF कनेक्टिव्हिटी एक्सीलरेटर कार्यक्रम सुरू करण्याची घोषणा केली. या अंतर्गत, उद्योजक आणि स्टार्टअप्स नाविन्यपूर्ण कनेक्टिव्हिटी सोल्यूशन्स तयार करतील आणि सार्वजनिक वायफाय वातावरणास समर्थन देतील.”