आंचल गोयल यांनी जिल्हाधिकारी म्हणून स्वीकारला पदभार

परभणी | मागील अनेक दिवसांपासून परभणी येथील जिल्हाधिकारी पद आणि त्यासंदर्भात झालेले विविध आरोप-प्रत्यारोपांना आता पूर्णविराम मिळाला आहे. परभणी जिल्हाधिकारी म्हणून आंचल गोयल यांनी मंगळवारी पदभार स्वीकारला आहे.

मागील तीन ते चार दिवसांपासून परभणी जिल्हाधिकारी पदावर रुजू न होण्याच्या प्रकरणी परभणीकर यांनी जागरूक नागरिक आघाडीच्या वतीने करण्यात आलेल्या आंदोलनास यश आले असून आंचल गोयल यांनी मंगळवारी जिल्हाधिकारी म्हणून पदभार स्वीकारला आहे.

अप्पर मुख्य सचिव यांनी दिलेल्या आदेशाप्रमाणे, तसेच सामान्य प्रशासन विभागाच्या तीन ऑगस्ट रोजी सहसचिव आणि दिलेल्या पत्राच्या संदर्भाने आंचल गोयल यांनी जिल्हाधिकारी तथा जिल्हा दंडाधिकारी परभणी या पदाचा पदभार स्वीकारला आहे.