कराड प्रतिनिधी| सकलेन मुलाणी
पुणे- बंगळूर महामार्गावर वॅगनार गाडीने पाठीमागून ट्रकला जोरदार धडक दिल्याची घटना आज सकाळी घडली आहे. कराड शहरापासून 5 किलोमीटर अतंरावर असलेल्या गोटे येथे हा अपघात झाला आहे. यामध्ये वॅगनार गाडीचे मोठे नुकसान झाले असून पुढील भागाचा चक्काचूर झाला आहे.
घटनास्थळावरून मिळालेली माहिती अशी, सातारा- कराड दरम्यान गोटे गावाजवळ सकाळी 9.30 वाजण्याच्या सुमारास वॅगनार क्रमांक (एमएच- 14- डीटी- 7825) आणि ट्रक (एमएच-04- एचडी- 6070) या दोन वाहनांचा अपघात झाला. पाठीमागून वॅनगारने जोराची धडक दिली. यामध्ये ट्रकचे किरकोळ नुकसान झाले असून व्हॅगनारचा पुढील भागाचा पूर्ण चक्काचूर झाला आहे. या अपघातानंतर घटनास्थळी बघ्यांनी गर्दी केली होती.
अपघाताची माहिती मिळताच हायवे हेल्पलाईनचे रमेश खुणे, हेल्पलाईन इनचार्ज दस्तगीर आगा, प्रकाश गायकवाड, कराड शहर पोलिस ठाण्याचे कर्मचारी खालिद इनामदार, प्रशांत जाधव हे घटनास्थळी दाखल झाले होते. त्यांनी खोळबंलेली वाहतूक व्यवस्थित केली. अपघातात सुदैवाने कोणीही जखमी झाले नाही.