हॅलो महाराष्ट्र ऑनलाइन| लोकप्रिय हॉलिवूड अभिनेता कार्ल वेदर्स (Carl Weathers) यांचे वयाच्या 76 व्या वर्षी निधन झाले आहे. त्यांनी रॉकी आणि प्रीडेटर यांसारख्या अनेक दमदार चित्रपटांमध्ये काम केले होते. आज कार्ल वेदर्स यांच्या निधनाची बातमी आल्याने त्यांच्या चहात्यांना मोठा धक्का बसला आहे. समोर आलेल्या माहितीनुसार, कार्ल वेदर्स यांचे त्यांच्या राहत्या घरी निधन झाले आहे. मात्र अद्याप त्यांच्या निधनाचे कारण समजू शकलेले नाही.
कार्ल वेदर्स (Carl Weathers) यांनी हॉलिवूडच्या अनेक लोकप्रिय चित्रपटांमध्ये काम केले. यातील सर्वात दमदार चित्रपट होते ते म्हणजे रॉकी आणि प्रीडेटर. या चित्रपटाच्या माध्यमातून त्यांनी प्रेक्षकांवर एक वेगळी छाप पाडली. आज त्यांच्या जाण्याने बॉलीवूडमध्ये शोककळा पसरली आहे. कार्ल यांनी चित्रपटांबरोबर वेगवेगळ्या टीव्ही शो मध्ये देखील काम केले होते. आपल्या हटके स्टाईल आणि अभिनयामुळे त्यांचे नेहमीच कौतुक करण्यात येत असत. तसेच, त्यांनी फक्त कला क्षेत्रातच नव्हे तर क्रीडा क्षेत्रात देखील आपले योगदान दिले.
'Rocky' actor Carl Weathers passes away at 76
Read @ANI Story | https://t.co/ubMwcNMmMN#CarlWeathers #Rocky #ApolloCreed pic.twitter.com/jcWYFJ8ACn
— ANI Digital (@ani_digital) February 3, 2024
सध्या कार्ल वेदर्स यांच्या निधनाच्या बातमीनंतर हॉलीवूडमधील सेलिब्रिटी सोशल मीडियाच्या माध्यमातून त्यांना आदरांजली वाहत आहेत. त्याचबरोबर कार्ल यांच्या कुटुंबाने म्हटले आहे की, “कार्ल (Carl Weathers) हे आमच्यासाठी एका मोठ्या मार्गदर्शकासारखे होते. ते आमचे चांगले मित्र, भाऊ, वडील यांच्या भूमिकेत नेहमीच आदर्शव्रत राहिले” दरम्यान, 14 जानेवारी 1948 रोजी कार्ल वेदर्स यांचा जन्म झाला. त्यांनी आपल्या पन्नास वर्षांच्या कारकिर्दीत 75 हून अधिक चित्रपट आणि टीव्ही शोमध्ये काम केले. आज त्यांच्या निधनाच्या बातमीमुळे चाहत्यांवर दुःखाचा डोंगर कोसळला आहे.