कोविड लसीकरणानंतर, आता ‘या’ मोठ्या मोहिमांसाठी केला जाणार CoWIN चा वापर

नवी दिल्ली । भारतात 100 कोटी कोविड लसीकरणाचा विक्रम करण्यात स्वदेशी प्लॅटफॉर्म CoWIN चे सर्वात मोठे योगदान आहे. या तांत्रिक प्लॅटफॉर्म द्वारे देशभरात कोविड लसीकरण फक्त पद्धतशीरपणेच झाले नाही तर लसीकरणाच्या नोंदींपासून ते व्हॅक्सिनेशन सर्टिफिकेट देण्यापर्यंत त्याने महत्त्वाची भूमिका बजावली आहे. मात्र आता आणखी एक पाऊल पुढे जाऊन देशात आरोग्याशी संबंधित इतर अनेक मोहिमांसाठी देखील CoWIN प्लॅटफॉर्मचा वापर केला जाणार आहे. ज्यात रक्तदान आणि अवयव दान यांचा समावेश असेल.

राष्ट्रीय आरोग्य प्राधिकरणाचे मुख्य कार्यकारी अधिकारी आणि CoWIN प्लॅटफॉर्म प्रभारी डॉ. आर.एस. शर्मा म्हणतात की,”भारतात जेथे लोकांमध्ये भाषा आणि परंपरांमध्ये फरक आहे, हे सांगणे कठीण आहे की जर कोविन प्लॅटफॉर्म नसता तर हे ओळखणे अवघड झाले असते की त्यांनी Covaxin किंवा Covishield चा डोस घेतला आहे किंवा नाही. लसीच्या दोन्ही डोसच्या अंतरामध्ये अनेक वेळा बदल देखील केले गेले. त्यामध्ये CoWIN ने महत्त्वाची भूमिका बजावली आहे.”

डॉ शर्मा म्हणतात की,” आता आपण CoWIN प्लॅटफॉर्मच्या मदतीने कोविड लसीकरणात शंभर कोटींचा टप्पा ओलांडला आहे, अशा परिस्थितीत, CoWIN चा वापर जन्मापासून ते 16 वर्षांपर्यंतच्या किशोरवयीन मुलांसाठीच्या नियमित लसीकरणासाठी केला जाईल. तसेच हे इतर रोगांचे लसीकरण, रक्तदान, अवयव दान आणि इतर आरोग्य सेवांसाठी देखील वापरले जाईल. त्याच्या शक्यता अमर्यादित आहेत. मात्र आता आमचे ध्येय सामान्य माणसाच्या आरोग्यासाठी चांगल्या डिजिटल सिस्टीमचा वापर करणे आहे. आज ही सिस्टीम भारताच्या उद्याच्या भवितव्यासाठी काम करेल.”

डॉ. आर.एस. शर्मा म्हणतात की,” CoWIN च्या यशाचा अंदाज लावला जाऊ शकतो की, देशातील इतक्या मोठ्या प्रमाणावर लोकसंख्या, जी सतत एका ठिकाणाहून दुसऱ्या ठिकाणी बदलत आहे, आपण त्यांनी ज्या सेंटरमधून पहिला डोस घेतला आहे त्याच सेंटरवरून दुसरा डोस घेण्याची अपेक्षा त्यांच्याकडून करू शकतो का ?.  ते म्हणतात की,”कोविड लसीकरणाचा हा दर्जा मिळवण्यासाठी, CoWIN प्लॅटफॉर्मच्या मदतीशिवाय, वेगाने काम करणे आणि लसीद्वारे मोठ्या लोकसंख्येला सुरक्षित करणे हे मानवी प्रयत्नांनी शक्य झाले नसते. CoWIN प्लॅटफॉर्मची कार्यक्षमता आणि गती यांच्या मदतीने नऊ महिन्यांत शून्य ते 100 कोटी लसीकरण साध्य झाले. CoWIN मुळे, लसीकरण मोहीम पूर्ण पारदर्शकतेने चालवता आली. आता हे प्लॅटफॉर्म देशातील इतर लसीकरण आणि रक्तदानाव्यतिरिक्त अवयव दान यासारख्या प्रमुख मोहिमांचा आधार बनेल आणि त्यांना देशात विस्तार करेल.