नवी दिल्ली । अलीकडेच Virgin Galactic चे प्रमुख रिचर्ड ब्रॅन्सन (Richard Branson) यांनी अंतराळ प्रवास केला. आता जगातील सर्वात श्रीमंत व्यक्ती जेफ बेझोस (Jeff Bezos) हेसुद्धा अंतराळ प्रवास करणार आहेत. बेझोस 20 जुलैला आपली कंपनी ब्लू ओरिजिनच्या वतीने प्रक्षेपित होणाऱ्या अंतराळ प्रवासामध्ये सामील होतील.
ऑनलाईन बुक स्टोअर म्हणून अ‍ॅमेझॉनची सुरुवात करणारे आणि शॉपिंगच्या जगतातले दिग्गज बेझोस आपल्या ब्ल्यू ओरिजिन कंपनीच्या न्यू शेफर्ड (New Shephard) रॉकेटमधून अंतराळ प्रवास सुरू करणार आहेत. कंपनीचे हे शेफर्ड एयरक्राफ्ट 20 जुलै रोजी स्थानिक वेळेनुसार सकाळी 8 वाजता उड्डाण करेल. या फ्लाइटची लॉन्च साइट वेस्ट टेक्सास वाळवंटाजवळच्या व्हॅन हॉर्न (Van Horn) पासून 40 कि.मी. अंतरावर आहे. फ्लाइट सुरू होण्यापूर्वी हा कार्यक्रम BlueOrigin.com लाइव स्ट्रीम केला जाईल.
बेझोस सर्वाधिक उंचीवरून उड्डाण करतील
सर्वांत पहिल्यांदा कोणती खासगी संस्था अंतराळात जाते याचा विक्रम जरी रिचर्ड ब्रॅन्सनच्या नावावर असला तरी सर्वाधिक सर्वाधिक उंच उड्डाण करणारी व्यक्ती बेझोस ठरतील. वास्तविक, ब्लू ओरिजिनचे स्पेस क्राफ्ट व्हर्जिन गॅलेक्सीच्या स्पेस क्राफ्टपेक्षा जास्त उंचीवर जाईल.
18 वर्षाचा मुलगा बेझोससह अंतराळ प्रवासावर जाईल
गुरुवारी, 15 जुलै रोजी, जेफ बेझोसने जाहीर केले की, ते 28 मिलियन डॉलर्स म्हणजेच 208 कोटींच्या लिलावाच्या विजेत्याला आपल्याबरोबर घेणार नाहीत. त्यांनी या अंतराळ प्रवासासाठी रनर अप ऑलिव्हर दामनची निवड केली. अवकाशात प्रवास करणारी 18 वर्षांची ऑलिव्हर जगातील सर्वात तरुण व्यक्ती असेल. ऑलिव्हरने ब्लू ओरिजिन कंपनीला उड्डाणासाठी पैसे दिले असल्याचे कंपनीने सांगितले. तो पहिला ग्राहक आहे पण ऑलिव्हरने तिकिटासाठी किती पैसे दिले हे मात्र कंपनी सांगू शकलेली नाही.
संजल गावंडे ने भारताचे नाव उजळवले, ती बेझोसच्या रॉकेट टीमचा भाग होती
बेझोसच्या या प्रवासासाठी तयार करण्यात आलेले रॉकेट बनवणाऱ्या टीममध्ये भारताची संजल गावंडेचादेखील समावेश आहे. 30 वर्षीय संजल ही महाराष्ट्रातील कल्याणमधील कोळसेवाडी भागातील आहेत. संजलचे वडील कल्याण-डोंबिवली महानगरपालिकेतून रिटायर्ड झाले आहेत तर तिची आई एमटीएनएलमधून रिटायर झाली आहे. संजलच्या आईने सांगितले की,”मुलीला लहानपणापासूनच अंतराळ जगात रस होता.”
राज्यातील सर्व महत्वाच्या ब्रेकिंग बातम्या थेट मोबाईलवर मिळवण्यासाठी आमचा WhatsApp ग्रुप Join करा