Wednesday, October 5, 2022

Buy now

अहमदाबाद बॉम्बस्फोट प्रकरण! 38 जणांना फाशीची शिक्षा; कोर्टाचा मोठा निर्णय

हॅलो महाराष्ट्र ऑनलाइन | 24 जुलै 2008 रोजी अहमदाबाद येथील बॉम्बस्फोट प्रकरणी 36 जणांना फाशीची शिक्षा सुनावण्यात आली आहे. गेल्या13 वर्षांपासून याप्रकरणी सुनावणी सुरू होती. अखेर आज अहमदाबाद विशेष न्यायालयाने याबाबत निकाल देत 49 पैकी 38 आरोपींना फाशीची शिक्षा दिली आहे.

एकाचवेळी 49 आरोपींना दहशतवादाच्या आरोपाखाली दोषी ठरवण्याची ही पहिलीच वेळ आहे. अहमदाबाद साखळी बॉम्बस्फोट प्रकरणी नऊ हजार पानांचे आरोपपत्र दाखल करण्यात आले. तसेच या प्रकरणी सुनावणीत आतापर्यंत नऊ न्यायाधीश बदलले आहेत. त्याचबरोबर 1117 साक्षीदारांचे जबाब नोंदवण्यात आले.

 

आयपीसी, यूएपीए, स्फोटक पदार्थ कायदा आणि सार्वजनिक मालमत्तेचे नुकसान प्रतिबंधक कायद्याच्या प्रत्येक कलमांतर्गत प्रत्येक 49 दोषींना सुनावण्यात आलेली शिक्षा एकाच वेळी चालेल. शिवाय, न्यायालयाने ४८ दोषींना प्रत्येकी २.८५ लाख रुपयांचा दंड ठोठावला आहे. अगरबत्तीवाला, शस्त्रास्त्र कायद्यांतर्गत त्याच्या अतिरिक्त शिक्षेसह, २.८८ लाख रुपयांचा दंड ठोठावण्यात आला आहे.