नवी दिल्ली । संपूर्ण देशात कोरोनानं थैमान घातलं आहे. दिवसागणिक कोरोनाबाधित रुग्णांच्या संख्येत वाढ होत आहे. अशातच दिल्लीतील एअर इंडियाच्या मुख्यालयात कार्यरत असलेल्या एका ५४ वर्षीय व्यक्तीला कोरोनाची लागण झाल्याची माहिती समोर आली आहे.
यानंतर एअर इंडिया कंपनीचं लुटियन्स झोनमधील मुख्यालय दोन दिवसांसाठी सील करण्यात आलं आहे यासोबतच मुख्यालयाचा परिसरही सॅनिटाईझ करण्याचं काम सुरू करण्यात आलं आहे. टाईम्स ऑफ इंडियानं यासंदर्भातील वृत्त दिलं आहे.
काही दिवसांपासून मुख्यालयात कार्यरत असलेल्या एका ५४ वर्षीय कर्मचाऱ्याची प्रकृती ठीक नव्हती. त्यामुळे ते होम क्वारंटाइन होते. याचदरम्यान त्यांची कोरोना चाचणी करण्यात आली. त्याचा रिपोर्ट पॉझिटिव्ह आला आहे. “एअरलाइन्स हाऊसमध्ये काम करणाऱ्या आमच्या एका कर्मचाऱ्याचा कोरोनाचा अहवाल पॉझिटिव्ह आला आहे. आपल्या कर्मचाऱ्यांचं संरक्षण आणि कर्मचाऱ्यांच्या कल्याणासाठी कंपनी कटिबद्ध आहे. संबंधित कर्मचाऱ्याला सर्वतोपरी मदत केली जाईल,” असं एअर इंडियाकडून सांगण्यात आलं.
”ब्रेकिंग बातम्या मोबाईलवर मिळवण्यासाठी आम्हाला 7972630753 या नंबरला WhatsApp करा आणि लिहा “Hello News.”