लॅपटॉपच्या बाजूला AK-47, ‘हा’ दहशतवादी बनला तालिबान सरकारमधील रिझर्व्ह बँकेचा प्रमुख

नवी दिल्ली । अफगाणिस्तानच्या रक्तरंजित ताब्यानंतर तालिबान्यांनी सरकार स्थापन केले. तालिबान सरकारने पंतप्रधानांपासून गृहमंत्री, संरक्षण मंत्री आणि कायदा मंत्रीपदी एकापेक्षा एक भयानक दहशतवादी बसवले आहेत. तालिबानने ब्लॅक मनीला व्हाईट करणाऱ्या हाजी मोहम्मद इद्रीस याची देशाच्या रिझर्व्ह बँकेच्या ‘द अफगाणिस्तान बँक (DAB)’ चा प्रमुख म्हणून नियुक्ती केली आहे.

हाजी मोहम्मद इद्रिसचा एक फोटो सध्या सोशल मीडियावर व्हायरल झाला आहे. यामध्ये तो एका बाजूला लॅपटॉपद्वारे बँकेची कमान सांभाळताना दिसतो आहे. तर लॅपटॉपच्या शेजारी डेस्कवर एके -47 रायफल ठेवली आहे. इद्रिसच्या बँकिंग ज्ञानाबद्दल बोलताना, त्याने त्याच्या आयुष्यात कोणतेही पुस्तक वाचले नाही, परंतु तो आता अफगाणिस्तानची बँकिंग सिस्टीम चालवणार आहे.

तालिबानने सांगितले की, इद्रिस सरकारी संस्था आयोजित करेल, बँकिंगशी संबंधित समस्या सोडवेल आणि लोकांच्या समस्या कमी करेल. इद्रीसचे रायफलसह व्हायरल झालेले हे छायाचित्र स्पष्टपणे दर्शवते आहे की तो समस्यांचे निराकरण कसा करेल.

इद्रिसच्या बँकिंगविषयीच्या समजुतीबद्दल सार्वजनिकरित्या माहिती उपलब्ध नाही. त्याने किती शिक्षण घेतले आहे, अद्याप हे देखील माहित नाही. इद्रिसने धार्मिक पुस्तके देखील वाचलेली नाहीत, मात्र आता आर्थिक बाबींचा तज्ञ आहे.

इद्रिस हा उत्तर जावजान प्रांताचा रहिवासी आहे. मुल्ला अख्तर मन्सूर सोबत तो बराच काळ तालिबानच्या आर्थिक घडामोडींवर देखरेख करत होता. 2016 मध्ये अमेरिकेच्या ड्रोन हल्ल्यात मुल्ला अख्तर मारला गेला.

या नियुक्तीद्वारे तालिबानी अतिरेक्यांनी देशातील बँकांना आश्वासन दिले आहे की, त्यांना पूर्णतः कार्यरत आर्थिक व्यवस्था हवी आहे. मात्र, पैशांची व्यवस्था कशी केली जाईल, हे अद्याप तालिबानने सांगितले नाही.

You might also like